محبت قؤشونو + تورکجه شعر

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

محبت قؤشونو

یئنه بیر ذره محببت منى حیران ائلییب
عاغلیمى باشدان آلیب،گؤر نه پریشان ائلییب
سانکى بیر جنگى قوشوندور سیره سى،ایسته یى قان
تؤکولوب قلبیمى ویران جانى بى جان ائلییب
کؤنلومون هر شه هرین بیرده نه مهرویه وئریب
اؤزونى بذلیده سانکى فتحعلى خان ائلییب
دئمیرم یاخشى یا پیس ایش گؤروب آمما اوره یى
لطفعلى خان کیمى تک عازم مئیدان ائلییب
ایبراهیم خان کلانتر کیمى او چوخلى زامان
آقا ممد خانیلا دالدادا پئیمان ائلییب
اوره یین اهلینى پیس گونده سالیب ولوله یه
کور ائدیب،جانلار آلیب،شهرینى کرمان ائلییب
ائوى آباد اولا بو شاهى کى اؤز خالقین ائوین
ییخیب آروادلى اوشاقلى قانا غلطان ائلییب
بونو بیر بیلمه دیم آخیر کى نه حیکمت لریله
تانرى قان قان دئیه نى کؤنلومه سولطان ائلییب

کریمی