بایاتیلار + تورکجه آذربایجان بایاتیلاری

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

بایاتیلار 

داغلار مارالا قالدی,

اوْتو سارالا قالدی.

سرین چشمه, گؤی یایلاق

یئنه مارالا قالدی.

******

عزیزیم سؤزه قالدی,

بیر شیرین سؤزه قالدی.

یاد قوْوولدو داغلاردان,

ائل-اوْبا بیزه قالدی.

******

داغلاردا تالام قالدی,

بیچمه‌دیم, لالام قالدی.

داغیلسین قۆربت اؤلکه,

اوْردا بیر بالام قالدی.

******

باغچادا باریم قالدی,

درمه‌دیم, ناریم قالدی.

اؤزوم یاد ائله دۆشدوم,

وطنده یاریم قالدی.

******

آرازدا آخار قالدی,

ترلان اۇچدو, سار قالدی.

ائلیمدن آیری دۆشدوم,

گؤزلریم باخار قالدی.

******

گئتدی آرخا دوْلاندی,

سۇلار چارخا دوْلاندی.

دۆشمن ائلین گۆجوندن

قوْرخا-قوْرخا دوْلاندی.