قارقا و بولبول موکالمه سی استاد کریمی مراغه ای دن

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

قارقا ینان بولبولون موکالیمسی: کریمی مراغه ای

قارقا بیر گون ائدیردی گلشنی سئیر***گؤردو بیر بولبولو قفسده اسیر

اؤزونو هی وورور اویان بویانا***بلكه آزاده پر چالوب دولانا

بوشلییوب ایستراحتی چابالیر***ائشیگین عطرینی قفسدن آلیر

باخیر سیملرین آراسیندان***گلیر شوره ، دل یاراسیندان

قارقا عرض ائتدی ای پرنده عشق***ای اولان شاه عشقه بنده عشق

ندی تقصیرون ای وفا كانی***سنی ارباب ائدوبدو زندانی

بو نظافت بو سس بو نوطقو بیان***سنه جانا ، روا دگول زیندان

دیدی بولبول كه ای پرنده شوم***اَولیندن بئله اولوب مرسوم

قالا زینداندا عندلیب و هَزار***اولا آزاد كركس و لشخوار

سن كی سرقتده اولموسان مشهور***قارقاروندان جهانیان منفور

چؤرگی دسمالیلا جازلورسان ***صابینی تاخجادان آلازلورسان

پنیری سفره دن ووروب قاچیسان***گردكان گورجگین قاپوپ اوچوسان

شانسووا چیخسا پاك یا ناپاك***داراشیرسان ، كی سنده یوخ امساك

طینیتون پست و نییتون می شوم***مسلكون مذهبون دگول معلوم

سنی آزاد ائدوب بو چرخ دنی***قفس غمده ساخلیوب دی منی

دوتولان دیللره صفادی دیلیم***لیك اؤز باشیما بلادی دیلیم

گئجه گوندوز اسیر زندانم ***بودی جورموم كی خوش سخنرانم

هركسین نوطقو وار فصاحتی وار ***قلم آتشینی قدرتی وار

گرك اولسون همیشه زیندانی ***چئخا زنداندا عاقیبت جانی

ای كریمی ندور بو طول كلام ***مجلسی لنگه وورما ایله تمام

ساغلیغیمدا منی یاد ائت اخوی کریمی مراغه ای دن گولملی شعر

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

دیقت : بو شعرده بعضی پیس کلمه لر وار اویغون اولمایان لار اوخوماسینلار و بو کلمه لرین یازیلماسی اوچون منی باغیشلایین شعرین مفهومو گؤزل اولدوغو اوچون یازیلیب

شعر کریمی مراغه ای یاد ائت اخوی

ساغلیغیمدا منی یاد ائت اخوی
من اولندن سورا جیرما یخوی
**
ساغلیغیمدا منی دیندیر دیلینن
گلمه ترحیمیمه تاج گولینن
**
ساغلیغیمدا الینی چک باشیما
یاخما بورنون زیلیغین باش داشیما
**
تا وارام اوزمه الیمدن الینی
نه قارا گیر نه اوزاد سققلینی
**
قوی یانیم من سنه ، سن ده منه یان
سن منه جان ده دئیم من سنه جان
**

ساللالما قبریمه شالوار؛ باغینی

دایاما بوگرومه س – ی – ک ؛ داش – شاغ – ینی

**

دیلیم اولسیدئ بوزاردیم تاقووی

الیم اولسیدئ کسردیم آغووئ

**

ساغلیغیمدا قولونو بوینوما سال
گاه گاهی بو سینان گونلومی آل
**
هچ گلیب قبریمه یاد ائتمه منی
باشیما چالما غلط فاتحنی
**

قالاما شمعیله سونقار گؤرومه

اولموشم؛ یاخمامئشام با گؤ – تومه

**

کاش گورکن قویا قبریمه دلیک

منیله دفن اولا بیر جانلی چلیک

**

او آداملار کی گلیر فاتیحیه

ساقلئقئمدا منه چیخمازدئ ییگه

**

اوزادئدیم کفن آتدان چلیگی

زور وئریدیم گئنلردی دلی – گی

**
بابا ساغلیغدا منیم گول اوزیمه
مشتری اول سؤزیمه هم اؤزیمه
**
منی تشویق ائله دعوتلرینن
کونلومی شاد ائله خلعتلرینن
**
نه یالاندان چپی قه قه لرینن
مرسی احسن یاشا به به لرینن
**
ائل گرک قیمت اشعاری بیله
نیه ایراندا گرک شاعر اوله؟
**
صنعت شعری چکیب لر فسادا
دوشدی بازار فصاحت کسادا!
**
بیر غزل کی گلیر عشقیله باشا
کیم آلیر بیر غزلی بیر لواشا ؟
**
سعدی حافظ باباطاهر خیام
سحرین ائتی ناهار ناهار سیز آخشام
**
گئیمدی اینینه قیمتلی قبا
سالمادی چینینه بیر تازه عبا!
**
شهریارین آدی دیللرده گزیر
تازا حیدر بابا اللرده گزیر!
**
بیر کیچیک ائوده گونون وئردی باشا
قالدی بیر مانقالی بیر حوقا ماشا
**
ای خدا وئر بیزه بیر عقل و شعور
شاعری ائیلمیاق زنده به گور!

کریمی مراغه ای

شیطان نامه استاد کریمی مراغه ای + تورکجه گولملی شعر

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

شیطان نامه
خیر اولا شیطانی گوردوم گئجه
خلقدن ایلوردی شکایت منه
گیچدوق اوتوردوق ایکیمیز کافه ده
حالتینی ایتدی حکایت منه
سویلدی شاعر سنه وار خواهیشیم
چوخ عرفائیله اولوب گردیشیم
عفو ایله بیردفعه دوشوبدور ایشیم
من یازیقام ایله حمایت منه
آخ نیه خلق ایلوری لعنت منه
*******
آدمی خلق ایتدی خدای کریم
ایلمدیم سجده من اولدوم رجیم
سوز اوزانیب ایندی اولوب بیر سیجیم
دائم ایدیر حمله بو ملت منه
آخ نیه خلق ایلوری لعنت منه
*******
منکه بولاردان جانیم ال چکمیشم
شیطنتین بوخچاسینی بوکموشم
بیرجه کیمین بالدیزینی سیکمیشم
بیر بله ائدیرلر اذیت منه
آخ نیه خلق ایلوری لعنت منه
*******
رشوه نی مین مین قاهاروب خان یسین
نفع ربانی حاجی ترخان یسین
تهمتینی بس نیه شیطان یسین
داغدان آغیر گلدی بو منت منه
آخ نیه خلق ایلوری لعنت منه
*******
آدمه من ایلمدیم سجده گر
واریدی صلبنده سنون تک بشر
ایندی اولوبدور هامی بیر پارچا شر
قالدی یالاندان بو اهانت منه
آخ نیه خلق ایلوری لعنت منه
*******
اوستادی خلق ایندی تاپولماز ناشی
چیخمیا تا مکر و حیل دن باشی
هرکس اولوبدور اوزی شیطان باشی
هیچ ایشه ورمیرلر دخالت منه
آخ نیه خلق ایلوری لعنت منه
*******
تابع نفس اولمیسوز ای فکری خام
مین جور اویوندان چیخیسوز صبح و شام
مفته منی متهم ایلور عوام
قویمامیسوز ذره جه فرصت منه
آخ نیه خلق ایلوری لعنت منه
*******
کبلایی آرتوق آلیر اسگیک ساتور
گونده ساری یاغه نباتی قاتور
پیس پیس اوتانمور ایله قالخور یاتور
لعن ایدیر از روی حماقت منه
آخ نیه خلق ایلوری لعنت منه
*******
پیس بولوسوز گر منی ای زنجلب
آخ نه دوشوبسوز دالیما داوطلب
سیز کی تانیر سیز منی یا للعجب
بس نیه ایلورسوز اطاعت منه
آخ نیه خلق ایلوری لعنت منه
*******
من بابا پیغمبریدیم بیر زمان
طاعت ایدردی منه جان ابن جان
رتبه می آرتیردی خدای جهان
ویردی اوز عرشینده سکونت منه
آخ نیه خلق ایلوری لعنت منه
*******
گوی ده نه اجالیله اهل سما
صف چکوب ایلردی منه اقتدا
آخری بیر کلمه نین اوسته خدا
ایلدی تنبیه و سیاست منه
آخ نیه خلق ایلوری لعنت منه
*******
ائتدی تکبر منی خار و ذلیل
چیخدی الیمدن او گوزل سلسبیل
طولی چکوب سجده مین اوغلوم مین ایل
حق اوزی ورمیشدی فضیلت منه
آخ نیه خلق ایلوری لعنت منه
*******
سیز اله بد ذاتسوز ای بدخصال
آدمی خلق ایتدی حق ذوالجلال
اولدی وجودی منه وزر و وبال
اولدی اونون خلقتی نقمت منه
آخ نیه خلق ایلوری لعنت منه
*******
سجده نی من ایلمدیم آدمه
سیز ایدیسوز سجده بنی آدمه
آدیوز اسلامدی با این همه
سیز نه بشر سوز گنه رحمت منه
آخ نیه خلق ایلوری لعنت منه
*******
سیز ده هله یوخدی او شان و مقام
خلقه انا الله دیورسوز ای عوام
تخت ریاستدن اوتور صبح و شام
اللشوب ایلیرسوز عداوت منه
آخ نیه خلق ایلوری لعنت منه
*******
لاپ گده بیر یول یمیسوز غیرتی
عصمتی حیثیتی شخصیتی
بیر بیره قاتدوز کیشینی عورتی
د گسین اوغول سیزدکی غیرت منه
آخ نیه خلق ایلوری لعنت منه
*******
هاردا دیدیم من بو خانیم قیزلارا
خوش بزنه وسمه چکه فر قویا
مرثیه لرده گتوره مین ادا
بوشلادا بسدور بو لجاجت منه
آخ نیه خلق ایلوری لعنت منه
*******
آخ نه دوشوبسوز دالیما عمر و زید
ایستمیرم من بابا سیز تک مرید
آی گده لاپ سیز منی ایتدوز یزید
سیزدن اوغول چیخمادی امت منه
آخ نیه خلق ایلوری لعنت منه
*******
جامعه ده بللی دیور مسلکوز
مذهب اسلامده یوخ مدرکوز
یوز منی وطی ایلیسوز هر تک تکوز
ائتمیسوز هر حیلده سبقت منه
آخ نیه خلق ایلوری لعنت منه
*******
نفسیوه تنبیه ایله اوغلوم بالا
من دیورم بانقانی آل قات بالا
دوش قاباغا هر نه گلور قارمالا
باس اوروجی ایله شماتت منه
آخ نیه خلق ایلوری لعنت منه
*******
من هاچان ایتدیم بو قدر انقلاب
هاردا قمار اوینادیم ایچدیم شراب
مفتضح ایتدوز منی ای بی حجاب
وردوز عجب بوللی خصارت منه
آخ نیه خلق ایلوری لعنت منه
*******
گه منه ملعون دیوسوز گه شرور
عکسیمی گه شل چکیسوز گاهی کور
گاهی گورورسوز یوخودا مثل حور
هیچ یاراشور گور بو شباهت منه
آخ نیه خلق ایلوری لعنت منه
*******
تاپ او کریمینی سحر ای پسر
سویله بوگفتاری اونا سر بسر
منع ایله سین خلقی او نیکو سیر
ایلمسون لعن جماعت منه
آخ نیه خلق ایلوری لعنت منه
*******
بعضی صفت لر گورورم آشکار
هیچ بیری منده یوخیدی سیزده وار
قانمامیسوز غیرت و ناموس و عار
پیس پیس ایدیر سوز هله لعنت منه
آخ نیه خلق ایلوری لعنت منه

استاد کریمی مراغه ای

شعر ترکی سرعین کریمی مراغه ای دن

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

سرعین

مرضی دردی بدندن بدر ایلر سرعین

سنی بیر عمرگوزل بختور ایلر سرعین

ایلده بیر دفعه گلوب چیم گوزلیم بو سولارا

نظر ایله بو گلستاندا گزن آهو لارا

حُسنیده حوری غلمان چاتا بیلمز بو لارا

سنی عمرونده مبارک نظر ایلر سرعین

سرعین ذوق صفا سیروسیاحت یئریدی

خوش پذیرالیق ایلر خلقه ضیافت یئریدی

گزملی سویملی تفریح وظرافت یئریدی

غمینی غصه نی دلدن بدر ایلر سرعین

سرعین گوللر آچوب رنگ به رنگ ایگلمه لی

دسته دسته بالا جیرانلاری وار ایستمه لی

سوبای اولسان سنی خونین جگر ایلر سرعین

هر نه شیددتلی مرض وار سرعین ایلر علاج

اودی کی ای بالا بازاری تاپوب بیله رواج

بیر تومن مرحمت ایت عکسوی سالسین فتوراج

سنی بیر عکسیله خوش مفتخر ایلر سرعین

ساری سو * راحت ایدیر جمله مرضدن بدنی

قره سو * بیل قره گوندن ایدر آسوده سنی

ژنرال * آی بالا مرمر تک آغاردار قره نی

دوش (گامشلار گولونه)گور نه لر ایلر سرعین

چیمه سن (بش باجیلاردا)گوره سن لذّتینی

توکه سن (قهوه سویوندا)جانوین زحمتینی

گیت(پهینلی سویا) چکمه حکیمون منّتینی

پینییسلیندن سنه آرتوق اثر ایلر سرعین

بیله دره* سویون ایچ معدوه درماندی او سو

اونا چاتماز کوکا کولا کاندا پپسی اسو

خور گون سندیری آبگوشت ییه سن آلتی طوسو

بئله فکر ایلمه خرجون هدر ایلر سرعین

ای کریمی بالا سن آت سرعیندن نظرون

سنه یوخ فایده سی پهلوینون رامسرون

گیت چورک فکرینه دوش یوخدی خبردن خبرون

کاسیبا پولسوزا  یولداش ضرر ایلر سرعین

سنده قوجالدون + گولمه لی شعر کریمی مراغه ای دن

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

سنده قوجالدون

ای دادیله بیداد گوزل سنده قوجالدون
سالدی سنیده دست قضا بنده قوجالدون
حسنونده اولان رنگ ولطافت هارا گیتدی
عشاق لارا اولدون بئله شرمنده قوجالدون
بیر گونکی دییردیم مارالیم گل بیزه هر دم
ایندی دیورم گلمه بو دربنده قوجالدون
آتمیشدون او گون گولشنی بیر روضه ء رضوان
ایندی سنه یئر یوخدی گلشنده قوجالدون
عشاق دوشردی دالیوا دسته به دسته
حتی قوشولاردیم اولارا منده قوجالدون
سندن گوتورولدی او صفای ملکوتی
اولدون داخی ابلیسه نماینده قوجالدون
باخجاق یوزیوه گول کیمی قلبیم آچیلوردی
ایندی سنی گورجک قاچورام کنده قوجالدون
ضرب المثل آتمیشدی سنون حسنوی یاران
قویموش سنی ایندی هامی ریشخنده قوجالدون
بیر زلف که بنزردی لطافتده قباقندا
اولدون نیه بس بویله سرافکنده قوجالدون
بیر نخل ثمر بخشیدی بو قامت شمشاد
ایندی داخی لاییق دگی پیونده قوجالدون
سانسور
سانسور
بیرعده گزردی سنیله سایه بسایه
قاچدی هاموسی اولدی پراکنده قوجالدون
هر چند کریمی قوجالار شعری قوجالماز
بنزر هاموسی شکره گلقنده قوجالدون 

کریمی مراغه ای دن گوزل بیر شعر

خانیم قیز + تورکی شعر کریمی مراغه ای دن

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

خانیم قیز + کریمی مراغه ای

ناز ائیله کی من موشتریم نازه خانیم قیز
نازیندا ولی گوزله بیر اندازه خانیم قیز

سنسیز گول و گولزاره منیم یوخدی علاقم
گول ماه جمالوندی ترو تازه خانیم قیز

قاصید منه گر موژده ی دیداریوی وئرسه
روحوم گلر شوقیله پیشوازه خانیم قیز

گوساله پرست اولمازدی میلت موسا
باخسایدیلار سن تک بت طنازه خانیم قیز

گؤردوقجا جمالیندا اولان دانه خالی
کونلوم گلیری قوش کیمی پروازه خانیم قیز

مرمر کیمی ماهیچه لرون دامنون آتدان
خوش منظره دور عاشیق جانبازه خانیم قیز

بیر بوسه وئر زاهده ایکی یوز حوری باغیشلار
تذویری آشیب گئچمه سه ایغمازه خانیم قیز

عشق اهلینه گل باغلاما دروازه وصلی
امنیت اولان یئرده نه دروازه خانیم قیز

قویسان باشیوی سینمه قول بوینووا ساللام
آگاه ائده رم دلده اولان رازه خانیم قیز

عاشیقم + کریمی مراغه ای * گولملی شعر

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

زشت و زيبا (( یاخشی پیس )) ” آتداکي گوزل شعرين آديدي که بيزيم ايفتخارلي شاعيريميز آقاي حسين کريمي شيرين و ظريف ديلينن بيان ائديب . بو شعرين اول مصرع لري ظاهيرده خلاف فکرلري يادا گتيریر، اما ايکينجي مصرع لري شعرين مفهومون دئوندررکن شاعرين ذوقون و هنرين عاشقانه زمينه سينده گوستریر

عاشیقم
عاشیقم من عاشیقم ای دلی دیلدار سنه 

وئرمیشم طاقتیمی صبریمی ای یار سنه

سئویرم بزم اولا خلوت قویاسان من ائلییم

غمیمی محنتیمی دردیمی ایظهار سنه

گزرم کوچه و بازاری دالین جان سوخارام

پیچاغی قارنینا هر کس ائده آزار سنه

ايستي وقتينده سويونسان سالارام  تئز ايچينه

کاسه نين بوز وئره رم شربت گلنار سنه

نيه اوجوندا سيخیرسان ، ازيسن ، سينديريسان

نئيله يیب  آخ بو يازيخ قلب وفادار سنه

سن يیخيل بالش ناز اوسته اوزان منده چاليم
ضرب و قارمان و کمانچه ، ويولن ، تار سنه

ايمه ،  شاخ  ساخلا  يانوندا ، باخوب ، اوپ  قوي  گؤزونه

بو گوزل عکسي کی  مندن قالیر آثار  سنه

دوگمه سين آچ آرالا ،  ساخلا  قويوم اورتاسينا

آلميشام ساک  دولوسي  ،  حيوا  ،  ليمو  ،  نار سنه

نییه « ویه ویه » دییسن اینجیدیری قوی چیخادیم

سیخسا باشماغ ایاقون اولسا اگر دار سنه

دؤز بير آز بندين آچيم تا وئريم الان اليوه
چتريوي وئرميه زحمت ،  بو  ياغيش قار سنه

گله سن باغدا وئرم  بير اليوه اويناداسان

قیرمیزي آلما ،  شمامه  گولی بي خار  سنه

گل اوتی دیممه دانیشما نئجه توتسان گئچه جک

دئمه خاطیر قویاجاخ چرخ جفاکار سنه

گل اوتی قوزا قیچین گیدیریم ای یار عزیز

قره دون آبی بولوز قیرمیزی شالوار سنه

احتراماً دايارام آغزینا  تا  سن سوراسان

سولي  قلياني ،  تا کريمي  دئيه  اشعار سنه

استاد کریمی مراغه ای(شاعر طنز گوی مراغه

آنا دیلیم گوزلدی – کریمی مراغه ای

آنا ديليم گؤزلدي

دولوب محببتون اي شوخ و دلستان ديليمه     آليب قراريمي الدن وئريب توان ديليمه

كمان قاشون، گؤزون، اوخ كيپريگون، ساچين گؤزه ليم     آتير كمند، چكير ياي گئدير نشان ديليمه

آلاولي سينه مين آهي وجوديمي كول ائدر     اگر سو سپمسه بو چشم خونفشان ديليمه

يوخومدو چاره داياننام هميشه چم خميوه     ولي باتيرمياسان طعنيله تيكان ديليمه

گتير جماليوي قوي سينمه قادان جانيما     سرين سرين نفسونله سو سپ يانان ديليمه

نه قدري گيزله ديرم درد عشقي سينه مده     ديليمده جوشه گلير غم اولور روان ديليمه

مي الستله مستم نه آبدستله پست     كي دگمه ييب اليمه جام و استكان ديليمه

آنا ديليم ائله شيريندي جاندان ايسته ملي     آچاندا من ديل آنام چوخ دئييبدي جان ديليمه

ديليم شيريندي عسلدن اودور كي غم يئمه رم     اگر وورا آريلار نيش هر زامان ديليمه

منم او ترك، كي آديم غزللرين دوزودو     من آذر اوغلويام آذر وئريبدي جان ديليمه

منم او ترك، بخارئيله سمرقندي     باغيشلاييبلا قرا خاليمه ماتان ديليمه

منم او ترك، كي غربتده اللي ايل ياشارام     تجاوز ائيله مز اهواز و اصفهان ديليمه

منم او ترك، كي دالدان چيخاردارام ديليني     قاهاررام انگيني هر كيم ديسه يامان ديليمه

منم او ترك، سوزوم جمله سوزلرين گوزيدو     سوزوم اوزوم كيمي دوز، باغلاما يالان ديليمه

ديلين فضيلتي يوخدور ملاك تقوادي     گئد اوز كماليوه گول گولمه اي فلان ديليمه

يقول اكرمكم عند ربّي اتقاكم     قويوب پيمبر اكرم گوزل بيان ديليمه

هميشه امر به معروف دور منيم هدفيم     اگر كومك ليق ائده حيّ لامكان ديليمه

منافقه دئيرم ال گوتور بو تفرقه دن     گولوب محاسينيمه يازما داستان ديليمه

گلين وئره ك ال اله دشمنين قازاق كوكونو     يئتيرمه زهريلي عقرب كيمي زيان ديليمه

“كريمي” ام ديليمي رايج زامان ائده رم     توجّه ائتسه آقام صاحب الزّمان ديليمه

شئر :  استاد كريمي مراغه اي

شعر ترکی چهارشنبه سوری – کریمی مراغه ای

بو گوزل شعری اوخوماساز الیزدن گئتدی مندن دئماق

چهارشنبه سوری کریمی مراغه ای دن

قیش چیخدی گزیر کوچه نی بو تازه جوانلار

یوخ یوخ نه جاوان درس تمدن اوخویانلار

چون مدرسه قورتولدی چیخوب ائیله تماشا

چارراه خیاباندا دوشوب گؤر نئجه غوغا

قیزلار کی چیخور مدرسه دن خیلی دل آرا

نازیله گئدیر منزله گویا که مارالدی

بیردن گوروسن آتدیلار بمب رنگی سارالدی

بو بوینی یوغون قانمور اوشاقدور چوخی قورخار

یا حملی وار آرواددی جانیم زحمتی آرتار

یا تریکی دور نعشه قاچار معرکه فالخار

ظاهرده موحصلدی اوزی اهل کمالدی

لیکن کافی تشبیهدی لاب او مالدی که مالدی

چارشنبه سوریده اولوبدور بئله مرسوم

بو رسملری واجب ائدوبدور ننه کلثوم

تصدیق ایلیوب چوخلارینی زینب پاشا مرحوم

بیر ساعت اوتور دقتیله ائیله تماشا

بیر بیر او یازان رسملری ائیلیوم انشاء

اولسون شب چارشنبه گرکدور هامی دلشاد

چیخسونلار داما قیز گلین اوغلان کیشی آرواد

هر دامدا گرگ اود یانا اولموش بئله ایجاد

قیزلار اونون اوستوندن او ساعتده آتیلسون

اما آتیلاندا دییه جاق بختیم آچیلسون

دامدان ائیله کی اندیلر قورتولدی تماشا

بیر مجمعه خوش شب چره ائیلر مهیا

خورما یمش ایگده سوجوق و فخری و حلوا

بیر عیده خانیم قلبیده بیر نیت ایده رلر

گیزلینجه قولاق آسماقا جدیت ایده رلر

شال ساللاماقا بعضی ایدر شوقیله رغبت

باغلاللار انون شالینه هر شیدن اوساعت

خوش یمن اولار گر دولما پیشیرسه شاما آرواد

شامدان صورا بیر آز بادام اویناللا یاتاللار

آرواد کیشی هر تک تکی مقصوده چاتاللار

.
.