پشیمان دئیلم + علی آقا واحد

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

پشیمان دئیلم

سئومیشم من سنی، ائی شوخ پشیمان دئییلم

سندن ال چکسم اولونجه اگر،اینسان دئییلم

او وفاسیز کی، سنین له بئله رفتار ائله دی،

من بو ایشدن، گوزه لیم، ذره جه خندان دئییلم

مین اگر دوشمنیم اولسا، او جفا پیشه کیمی،

سنده قورخما، مله ییم، من داها قورخان دئییلم

سئویرم من سنی، بی حد حساب ائتمه منی،

سندن اوزگه گوزه لیم عشقینه قوربان دئییلم

سن منیم له اولاجاقسان، نه قدهر عمروم وار،

سندن اوزگه گوزه ل عشقینده نیگاران دئییلم

منی سندن آییرا، بلکه، اولن واختدا عجل،

واحیدین عاقلی کئسیر هر شئی، نادان دئییلم.

شانه دولانسین + علی آقا واحد

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

شانه دولانسین

زولفونده نه لازیم ، گؤزلیم ، شانه دولانسین ؟

قویما او حرمخانه نی بیگانه دولانسین

عیب ایله مه ، کویوندا دولانسام گئجه گوندوز

شمعین گرک اطرافینه پروانه دولانسین

ساقی دولانیم باشینا مئی جامینی گزدیر

سرمست اولوم ، باشیما میخانه دولانسین

اول زولفه کونول وئرمه ، دییرلر منه ال چک

اونسوز نئجه بس بو دل دیوانه دولانسین

مجنون نه برابر منه صحرالره قاچدی

عشق اهلی اودور عرصه ده مردانه دولانسین

اغیار ایله اؤز یارینی همدم گؤرن عاشیق

دوشسون او گرک دشت و بیابانه دولانسین

سرخوش لیق ایله عؤمرونی صرف ائیله مه « واحید »

عارف اونا دییرلر کی ، حکیمانه دولانسین

شاعیر : علی آقا واحد

سرو نازه وئریب + علی آقا واحد

سرو نازه وئریب

بوتون گوزللیگی تانریم او سرو نازه وئریب

او هر نه ائتسه طبیعت اونا ایجازه وئریب

اول آهو گؤزلو گؤرخورام منی خطایه سالا

کی ، فیتنه سیله چوخ عاشیقلری گودازه وئریب

اَییلدی سجده یه ، محراب گؤردو قاشلارینی

اودور کی ، اهل ریا مئیلینی نمازه وئریب

گولردی قیرخ گوزل عشقیله ، آغلایاردی خزر

همین او ذوق صفانی کره آرازه وئریب

جمال یوسیفه جاه و جلال محموده

کمالی معرفتی سرّی وار ایازه وئریب

گوزللیک عالمینین شهریاری دیر بو پری

بونا بو سلطنت حسنی ایندی تازه وئریب

بو فخریمیز بیزه واحد بؤیوک سعادتدیر

زمانه ، ثروت آغیر یوکدور ، آنلامازه وئریب

شاعیر : علی آقا واحد

کونلوم – علی آقا واحد

کونلوم

گلوبدور تنگه ای ظالم ، ستمله قان اولان کونلوم

همیشه باغ وصلینده ، گولوب خندان اولان کونلوم

دوشوب مجنون کیمی ، صحرایه بیر لیلی فراقیندا

بوتون عاشقلر ایچره ، منبع عرفان اولان کونلوم

نه اولدو بیلمه دیم دوشدو ، جدا گولزار کویوندان

همیشه خوان وصلین بزمینه ، مهمان اولان کونلوم

کیمه بیلمم ، گئدیب اظهار قیلسین محنت عشقین

دؤنوبدور قانه هجرینده غمی پنهان اولان کونلوم

نه چاره ائیله سین ، بیلمم خلاص ائتسین اوزون غمدن

اسیر محنت و پا بسته هجران اولان کونلوم

اولورمی بیر زمان خرم ، یئتیشسه وصل جانانه

غم هجرینله افغانلار چکیب ، گریان اولان کونلوم

منم فرهاد ! عصرین سئودیگی { واحد } گوزللر دیر

اودور کی لاله داغین گؤستریر ، ویران اولان کونلوم

علی آقا واحد

گولسون منه – علی آقا واحد

گولسون منه

آخر آغلاتدین منی ، بیگانه لر گولسون منه

شمع تک یاخدین منی ، پروانه لر گولسون منه

منده یالوارام ، گوزون یادیله ، پیر میکده

ائیله مست ائتسین منی ، مستانه لر گولسون منه

پرتو خورشید رویین جام می ایچره گؤروب

آغلارام قوی دوریده پیمانه لر گولسون منه

قورخورام سر دهانین می ایچیب فاش ائیله یم

مست اولام کیم عارف ، میخانه لر گولسون منه

باغلا اول زنجیر زولفونه من سرگشته نی

قویما کیم صحرانشین ، دیوانه لر گولسون منه

لیلی وش ، زولفوندن آیری ایسته رم مجنون اولام

قوی ائشیتسین بو سؤزی ، فرزانه لر گولسون منه

ییخا بیلمزدی فلک اولسایدی ییخدی هجر یار

واحدم قوی ساکن ویرانه لر گولسون منه

علی آقا واحد

سئوگیلی جانانه کونول – علی آقا واحید

سئوگیلی جانانه،کونول

اویما هرزولفی قارا،سئوگیلی جانانه،کونول

بووفاسیزلارائدرلر سنی دیوانه ، کونول

مومکون اؤلدوقجا چالیش یانمایاسان عشق اؤدونا

شمع دَن گورنه چکیر هر گئجه پروانه ، کونول

سَن هله عشق کمندینده اسیر اؤلمامیسان

اؤیما مجنون کیمی هرزولفِ پریشانه کونول

گولده اؤلسایدی وفا،خاریله یار اؤلمازیدی

بولبولون آهی یاییلمازدی گولوستانه،کونول

آشنا اؤلماق عبث دیر بو پری چهره لره

یئنه بیرگون اؤلاجاقلار سنه بیگانه ،کونول

سئودیین اؤلسا زولیخای زامان،سن یوسیف

فکرائدیب سالدیرا جاقدیرسنی زندانه،کونول

واحیدین عومروبوتون نازلی گوزه للرله گئچیب

بو حقیقت سوزو ظن ائیلمه  افسانه، کونول

شاعیر : علی آقا واحد

دلی جیران – علی آقا واحید

دلی جئیران

سؤزلر : علی آغا واحد

گؤزلیم عاشیقینی سالما نظردن

حسرتیندن اولورم گل بیزه هردن

سنه چوخدان وورولوب بو دلی کونلوم

نئیله ییم کی خبرین یوخدو خبردن

گل منه ناز ائله مه آی دلی جئیران

او قارا گؤزلرینه اولموشام حیران

بیر دونوب باخماق ایله جانیمی آلدین

منی مجنون ائلییب چوللره سالدین

من ایناندیم سنه اؤز کونلومی وئردیم

منی آتیب گئدیب اغیار ایله قالدین

سن گزیرسن گؤزلیم غیرایله من سیز

یوخو گئتمز گؤزومه بیر گئجه سن سیز

اؤزون بیر یاخشی دوشون ، سئوگیلی دیلبر

هانسی بولبول یاشایار باغ و چمن سیز ؟؟

موسیقی مجلسی – علی آقا واحد

موسیقی مجلسی

موسيقي مجليسينين طرفه علامتلري وار

گوش قيل، گور نئجه جانسوز حكايتلري وار

موسيقي ذوقينه اول كس كي دگيلدير واقف

بو بساطين نه بيلير، كيم نه شرافتلري وار

تاري بيهوده حساب ائتمه اگر عارف سن

گور كي مه رولر اليندن نه شكايتلري وار

اودا بير زلفي سيه دلبرين آلوده سي دير

كي صداسيندا پريشانليق اشارتلري وار

خوار، ظن ائتمه، ساقين، موسيقي خادملريني

اونلارين ذوقينه گير، گور نه نزاكتلري وار!

موسيقي غم داغيدير، ذوق وئرير انسانه

درك قيلماز بوني اونلار كي سفاهتلري وار

شاعرين، موسيقي خادملرينين، رسامين

اينجه دقتله دوشون، گور نه مهارتلري وار

موسيقي ذوقي هلاكولره تاثير ائتميش

اوخو تاريخي، دوشون، گور نه روايتلري وار

بعضي نادان نه بيلير موسيقي ذوقين، “واحد”

چون كي جاهل دير، اولدوقجا جهالتلري وار

یازان:  واحد

کونول – علی آقا واحد

کونول

ديل بيلن سوز آنلايان بير نازلي يار ايستر كونول
لاله دن گول دن گوزل بير نو بهار ايستر كونول

اعتبارين گورمه يينجه سئومه رم بير ديلبري
نازنين مهپاره لردن اعتبار ايستر كونول
هر قارا زولفون اسيري اولمارام بوندان سورا
ايندي عالم ئوزگه دير خوش روزگار ايستر كونول

اويناماق، گولمه ك ، دانيشماق ، عيش و نوش اياميدير
بلبل شيدا كيمي مين لاله زار ايستر كونول

هر طرف گولدير، چيچكدير بئيله آزاد ئولكه ميز
دائم ئوز خوشبخت خلقين بختيار ايستير كونول

بختور ((واحد))، او كسلر دير بو خوش عالمده دير
هر زمان بو خوش حياتي پايدار ايستر كونول

یازان:  واحد

جانانی سئویر – علی آقا واحد

جانانی سئویر

بختیار عاشیق اودور کی،اونو جانانی سئویر

بینوا بولبولونو، اوز گولئ- خندانی سئویر

من او زولفون آزی یوز دفعه بلاسین چکدیم

دلی کونلوم یئنه اول زولفی – پریشانی سئویر

اعتیبار اولماز اوزون گوسترن عاشیق لرده

احسن اول عاشقه جانانینی پنهانی سئویر

عصری حاضیر کئ – گوزلیکلری گورمور زاهید

ایندی ده جهلینی گور – روضه یئ رضوانی سئویر

سئویرم من او نزاکتلی گوزل دیلبری کی

موسیقی علمینی ، رسامی ، غزلخوانی سئویر

پیر کونلوم گلییر ایلهامه گوررکن هردن

بیر نجابتلی گوزل قیز گوزل اوغلانی سئویر

واحیدین اوچولوغو اولسادا اینصافی دا وار

اوز کمندیینه دچار ائتدیی جیرانی سئویر

علی آقا واحید