Mədinə Gülgün – مدینه گولگون زندگی نامه سی


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

دوزلو اوغلان یاهو گروپ

دوزلو اوغلان وبلاگینین یاهو گروهوندا عضو اولون تا یئنی خبرلر ، گوزل مطالیب ، آذربایجانی و تورکیه موزیک لر ، تورکجه اس ام اس لر و تایسیز شکیل لر سیزین ایمیلیزه گلسین بونا گؤره آشاغی شکلین اوستونده کلیک ائدین و امنیتی کد کلمه لرینی یازین و سونرا جوین کلمه سینه تیکله یین تا عضو اولاسیز

join Click to join DUZLU_OGHLAN

Click to join DUZLU_OGHLAN

دوزلو اوغلان وبلاگینین خبرنامه سی
اگر دوزلو اوغلان وبلاگیندا یازیلان یئنی مطالیبی اوخوماق ایسته ییرسیز اوندا آشاغی لینک اوستونده کلیک ائدین و ایمیلیزی و امنیتی کد کلمه لرینی یازین و ثبتی وورون تا یئنی مطالیب سیزین ایمیلیزه اوتوماتیک یوللانسین

Subscribe to Duzlu oğlan دوزلو اوغلان by Email

Mədinə Gülgün 

Ələkbərzadə Mədinə Nurulla qızı (Mədinə Gülgün) – azərbaycanlı şairə, Azərbaycanın əməkdar incəsənət xadimi.

https://i0.wp.com/www.kataloq.net/img/person_kataloq/1/242.jpg

Həyatı 

Mədinə Gülgün 1926-cı il yanvarın 17-də Bakıda fəhlə ailəsində anadan olmuşdur. Burada İbtidai məktəbi bitirmişdir. 1938-cı ildə ailəliklə Cənubi Azərbaycanın Ərdəbil şəhərinə köçmüşlər. Sonra Təbriz  şəhərində yaşamış, əmək fəaliyətinə burada toxuculuq karxanasında başlamışdır. Gənc yaşlarından demokratik hərakata qoşulmuşdur. Sonralar Təbriz Dram Teatrında çalışmışdır. “Azərbaycan” qəzeti redaksiyasında xüsusi müxbir işləmiş Mədinə Gülgün 1945-1946-cı illər Cənubi Azərbaycan Milli Azadlıq Hərəkatının fəal iştirakçısı və öz mübariz şeirləri ilə ömrü boyu bütün həmin inqilabın carçısı olmuşdur. O, 1948-ci ildə Azərbaycan Pedaqoji İnstitutunun Dil və ədəbiyyat fakültəsinə daxil olmuşdur.

Mədinə Gülgün şeirlərini 1945-ci ildə Təbrizdə “Vətən Yolunda”, “Azərbaycan” qəzetində çap etdirmişdir. Onun əsərləri bir sıra xarici ölkələrin dillərinə tərcümə olunmuşdur. Onun poeziyası ildən-ilə, kitabdan-kitaba zənginləşərək, əhatə dairəsi genişlənmişdir. Dünya xalqlarının azadlıq və istiqlaliyyət uğrunda mübarizəsini bir humanist şair kimi daim izləmiş, kəsərli sözləri ilə onların səsinə səs vermişdir. Şairin Bakıda və Moskvada “Təbrizin baharı” (1950), Savalanın ətəklərində (1950); Sülhün səsi (1951); Yadigar üzük (1953); Təbriz qızı (1956); Firudin (poema) (1963); Dünyamızın sabahı (1974); Durnalar qayıdanda (1983); Dünya şirin dünyadır (1989) “Çinar olaydı”, “Arzu bir ömürdür”, “Yora bilməz yollar məni” (1978), “Könlümü ümidlər yaşadır” və onlarca diğər şeir kitabı dərc olunmuşdur. Bu kitabların başlıca mövzusu insan, azadlıq, Təbriz həsrəti, insanlara canı yanan bir ana qəlbinin arzu və istəkləridir. Onun lirik şeirləri və mahnıları dillər əzbəridir.

O, Azərbaycan Ali Soveti Rəyasət heyətinin Fəxri fərmanları (1960, 1974, 1986), “Şərəf Nişanı” ordeni (1980), “21 Azər” (1946), “Əmək veteranı” (1948) və digər medallarla təltif olunmuşdur. Respublikanın əməkdar incəsənət xadimi fəxri adına layiq görülmüşdür.

Mədinə Gülgün 1992-ci ildə fevralın 17-də Bakıda vəfat etmiş, Fəxri xiyabanda dəfn olunmuşdur.

Əsərləri

* Gülgün M. Seçilmiş əsərləri: Şerlər və poemalar.- B.: Azərnəşr, 1986.- 304 s.
* Gülgün M. Arzu da bir ömürdür: (Şerlər və poemalar).- B.: Gənclik, 1976.
* Gülgün M. Dünya şirin dünyadır.- B.: Gənclik, 1989.- 200 s.
* Gülgün M. Mən bu ömrü yaşadım: (Şerlər).- B.: Tədris, 1997.- 87 s.

* Gülgün M. Qürbət elə qürbətdi; Bir dəli rüzgarım…; Danişım danışmayim…: (Şerlər) //Ədəbiyyat qəzeti.- 1993.- 26 fevral.
* Gülgün M. Novruz bayramına həsr olunmuş şer //Respublika.- 2003.- 20 mart.
* Gülgün M. Yaşadı; Sarı bülbül; Ehey…: (Şerlər) //Ədəbiyat qəzeti.- 1992.-1may.- S.8

Haqqında olan ədəbiyyat

* Nəsib D. Bir şəkil-bir xatirə:/M. Gülgün ilə bağlı xatirə/ // Ədəbiyyat qəzeti.-1998.-26 iyun.-S.2.
* Nəbioğlu S.Susmayan rübab: /Mədinə Gülgün haqqında/ //Xalq qəzeti.-1996.-14 fevral.
* Yusifli V.Bahrı soraqlayırdı: Mədinə Gülgün-70/ //Yeni Azərbaycan.-1996.-6 yanvar.
* Qabil. Sevənlərin ürəyində: /Mədinə Gülgün haqqında/ //Ədəbiyyat qəzeti.- 1993.- 26 fevral.- S.4.
* Rüstəmzadə V.Səni: M.Gülgünün əziz xatirəsinə: /Şer/ // Ədəbiyyat qəzeti.-1991.- 22 fevral.
* Paşayeva M.Mədinə Gülgünlə ilk tanışlıq və son görüş //Vətən səsi.-1991.-30 aprel.

مدینه گولگون

حسرت شاعیری” مدینه گولگون ” 1926 (1305) دا باکی دا آنادان اولموش آمما اصلا” گونئی آذربایجانین اردبیل شهریندندیر.اونون عاییله سی 1299(1920) – جی ایلده باکییا گئدیب و مدینه خانیم 7 – جی صینیفی باکیدا بیتیریب.1316 (1937) – جی ایلده ایستالینین امری ایله ایراندان گلن آذربایجانلیلاری وطنلرینه گوندردیلر و مدینه خانیمین دا عاییله سی یئنیدن ایرانا قاییتمالی اولدولار.1325 (1946) اینجی ایلده شاهین قوشونلاری آذربایجانا هوجوما کئچدیکدیکی و آذربایجان میللی حوکومتی نین مغلوبیته اوغراماسی زامانی مدینه گولگون تبریزی ترک ائدیب و باکییا گئتمه لی اولموشدور. مدینه خانیم « اولمرم, اولمرم من تبریزی گورمه یینجه» دئسه ده, آنجاق وطن حسرتی ایله1992 جی ایلده باکی دا دونیادان کوچدو . شعرلرینده ملت لرین دوستلوغو و قارداشلیغی نی , منطق و عدالتین ارتجاعا غلبه سینی و دونیا صلحونون حاکم اولاجاغینی ترنم ائتمیشدیر. منظومه لرینده کسگین و احساسلی بیر دیلله ایجتیماعی و سیاسی مسئله لری محاکمه یه چکمیشدیر. مدینه گولگون بالاش آذر اوغلونون حیات یولداشیدیر.

علی اکبرزاده مدینه نورالله قیزی ( مدینه گولگون ) آذربایجان خانیم شاعیری دیر . مدینه خانیم گولگون 1926-جی ایل ژانویه نین 17-سینده باکی شهرینده آنادان اولموشدور . ابتدایی مکتبی باکی دا بیتیریب 1938-جی ایلده آیله سیله بیرلیکده گونئی آذربایجانا اردبیل شهرینه کوچوبلر . سونرا تبریز شهرینده یاشامیش . 1945 و 1946-جی ایللرده جنوبی آذربایجان میللی حرکتینین فعال ایشتیراکچیسی اولوبدور و عومور بویو شعرلریله بو اینقلابین جارچیسی کیبی اولوبدور . مدینه خانیم گولگون آذربایجانا چوخ باغلی اولدوغو اوچون اوغلونون آدینی دا آراز قویوب دور و تبریز حاقیندا چوخلو حسرت شعرلر یازیب

مدینه خانیم گولگون دن “تبریزین باهاری ” ، ” ساوالانین اتکلرینده ” ، ” صولحون سسی ” ، ” یادگار اوزوک ” ، ” تبریز قیزی ” ، ” دونیامیزین صاباحی ” ، ” دورنالار قایداندا ” ، ” دونیا شیرین دونیادیر ” ، ” یورا بیلمز یوللار منی ” ، ” کونلومو اومودلر یاشادیر ” و اونلارجا دیگر شعر کیتابی درج اولونموشدور .کی بو کیتابلارین باشلیق لاریندا انسان آزادلیغی و تبریز حسرتی یئر آلیر

مدينه گولگون ، آذربايجانين ميلي حركاتي‌نين دؤورونده ، اؤز‌ل‌ليك‌له ميلي حؤكومت زامانيندا گونئي آذربايجانين گؤركملي موباريز و مدني قادين‌لاريندان اولموشدور. او خوصوصي ايله « آذربايجان» قازئتي‌نين موخبيري اولان زامان دورلو خيدمت‌لر گؤسترميشدي. مدينه خانيم هله قادين‌لار كولوبونون رهبرلريند‌ن سايا گليردي.ائله بو زامان‌لاردا ايدي كي ميلي مجليسده، او مجليسين وكيلي ، اولو شاعير و چاليشقان آذربايجان اوغلو « بالاش آذراوغلو» ايله ياخيندان تانيشليق‌ تاپيب ، سونرالار باكي‌يا موهاجيرت ائد‌ركن 1950 ـ جي ايلده بير توكنمز سئوگي حيسي ايله ، بيرده موشترك علاقه‌لر اساسيندا اونونلا ائولنميشدير. 

شاعيره خانيم مدينه گولگونون ادبي كولتورل و سياسي حياتيني آچيقلاماق بير باشقا فورصتي طلب ائدير. آمما بو آرادا بالاش‌لا مدينه‌نين اورتاق حياتلاريندا اولان اينجه‌ليك‌لره بير اؤتري نظر سالماق بيزي ايكي بؤيوك اينسانين ديلك‌لري ، بير بيره تام حؤرمت‌لي باخيش‌لاري ، ائله‌جه ده 41 ايل بير گه آرزو يول‌لاري‌نين اِنيش ـ يوخوشلاريني ال ـ اله ، چيگين‌ چيگينه ايره‌لي يورومك لري ايله تانيش ائدير و ماراق دوغورور:

.. .. آي مني هامي‌دان چوخ ايسته‌يه‌نيم

سويوق نظرلري گل اريده‌ك بيز
سن ده شفق دون گِئي من ده گئيينيم

آرزو يول لاريني قوشا گئده‌ك بيز

مدينه خانيم ائلينه بير همدم ، سيرداش و آرخاداش اولدوغو حالدا ، اوغلانلارينا مئهريبان آنا ، ارينه ده اؤزو دئميشكن «قادين دئييل بير قارداش» ايدي :

قريب‌له‌شن گونلرينه يولداشام

كؤنلونده كي نيسگيل‌لره سيرداشام

قادين دئييل ، من سنين چين قارداشام
بو يول‌لاردا سينا مني ، سينا سن.

دوغوردان بير اينسان اوچون سعادت نه دير ؟ائلينه قايغي بسله‌مك ، توپراغي‌نين يوردونون طالعي ايله ياشاماق ، گونشه‌ساري آچيلان اوره‌ك پنجره‌سيند‌ن عاييله‌سينه سئوگي پايلاماق‌دان دا يوكسك بير سعادت وارمي ؟ مدينه خانيم بئله بير اينسان دير. سينه‌سي آتش‌لي شاعيره‌ميز ، بالاش‌لا اورتاق حياتيندا اونون عشقينه باغلي اوره‌كله قادين ليق آرزولاريني دفعه‌لرله حياتا كئچيرميشدي:

عونواني ميز دا بير آديميزدا بير

اوجاغيميزدا بير كؤزوموزده بير

پاييزيميزدا بير، يازيميزدا بير

سؤيله بو سعادت دئييل مي‌ گولوم؟
***

كؤنلوم داريخاندا چاتيرسان دادا

آز قالير اؤزونو آتيرسان اودا

قويمورسان غرق اؤلوم فيرتينالاردا

سؤيله بو سعادت دئييل مي ‌گولوم؟

بالاش آذر اوغلو ايله ايلقارلاشان ائله‌جه‌ده ايلقاري باشا آپاران مدينه گولگون خانيم بالاشي بير نورمال سئوگي ايله يوخ ، بلكه بير حرارتلي عشق آتشي ايله سئوير. اونون توكنمز سئوداسي بالاشين اوغروندا بوتون موباريز قادين‌لاريميزي ، اونلارين تميز عشق‌لرين ، اوستو آچيق سئودالي كؤنول‌لرين ، وفالارين گؤزوموزون اؤنونده دوغرولدور. او حتي يولداش سيز حياتي خياليندان دان كئچيره‌بيلمه‌يير. يقين ائدير كي ماهني‌لي ، سؤزلو شيرين ديلي يولداش سيز قالارسا لال اولاجاق . گول‌لره نه جاواب وئره‌جك؟

سن‌سيز باغلاردان كئچسه‌م

گو‌ل‌لره نه دئيه‌ره‌م؟
عؤمره راحات‌ليق سئچسه‌م

يول‌لارا نه دئيه‌ره‌م؟

***

بيز نه كسك نه داشيق
يانماغا يارانميشيق

ائو ائو وئرمه‌سك ايشيق

ال‌لره نه دئيه‌ره‌م؟

مدينه گولگون خانيمين روح باخيميندا ، اينسانين حيات يولداشي اونون ائليند‌ن آيري دئييل . معناسيز دير اگر بير مودروك اينسان يولداشيني سئودييي كيمي ائلينه ، ميلتي‌نه سئوگي بسله‌ميه . خالقين هوسكار صنعت‌چي‌سي ، مودروك شاعيري‌نين سوسيال ـ مدني باخيميندا آيريليق ، قوربت ، اورتاق ياشاييشدان بير يولداشين كؤچمه‌سي طبيعت قانونلاري‌نين پوزولماسي ساياق قلمه آلينير. ائله سئوگي ده ، هامان دونيا دئمك دير. قادينين اره، ارين ده قادينا اولان احتياحي ، بلكه‌ده احتياج يوخ ، تكميل ائديجي و معنا بخش ائديجي بير عاميل دير. و بو اؤزو «واري»
« يوخا» قاپانديران ، « يوخو»دا وار عالمينه گتير‌ن بير ايلاهي سئوگي ، هله ايلاهي فلسفه‌دير.

او بيلير كي اينسان ائليند‌ن آيري ، ذره عومان دان آيري دؤزه بيلمز. اونا گؤره‌ده اؤز توكنمز عشقيني بو فلسفي سؤزلرله ياناشي تمثيل ائدير :

…. ذره عوماندان آيري

تئل‌لر كاماندان آيري

باغلار باغبان دان آيري

دؤزسه دؤزه‌ره‌م سنسيز

يولچو يولوندان آيري

قوشلار تئليند‌ن آيري

اينسان ائليند‌ن آيري

دؤزسه‌دؤزه‌ره‌م سنسيز

آري چيچك د‌ن آيري

كؤرپه بلك د‌ن آيري

آغاجلار كؤكد‌ن آيري

دؤزسه دؤزه‌ره‌م سنسيز

سئوگي اولمه يه جكدير

سئوگي دونيا دئمكدير

سن بو دونيادان آيري

دؤزسن دؤزه‌ره‌م سنسيز

بو آيريليغا احتيمال گؤستر‌ن ، ائليند‌ن آيري دؤزه بيلمه‌ين ، حيات يولداشيني اؤز دؤيونن اوره‌يي سانان شاعيره‌ميز ، «نه ياخشي كي سن وار ايدين» شعرينده اوره‌يي‌نين اوستون آچير. اوره‌ك سؤزونو ، بير ايشيق طالع كيمي ، اوغرونا چيخان خوشبخت ياشاييش كيمي شعره جالير:

نه ياخشي كي سن وار ايدين يئر اوزونده

نه ياخشي كي اولدوزوموز قوشا ياندي

معناسي وار گئجه‌نين ده گوندوزون ده

بيز يانديقجا يول لاريميز ايشيق لاندي

***

نه ياخشي كي اوره‌يي ميز بيرگه ووردو
نه ياخشي كي ائل درديني قوشا چكديك

نه ياخشي كي يئر اوزونده سئوگي واردي

بو سئوگي سيز بيز خيالا دؤنه‌جك ديك

بو شعرده مدينه خانيم قادين‌لا اري‌نين يول‌لاري قوشا گئتمك لريني ، ايزلري‌نين ، اثرلري‌نين قوشا قالماقيني ، ائله‌جه‌ده ائل قايغي‌سيني قوشا چكمه‌ييني چاغداش ميليون‌لار قادين كيمي برابرسيزليكد‌ن خشمه يوغرولموش باغيرتي ايله ديله‌مير. بلكه بو آرزولاري اؤز ياشاييشين دا بير حقيقته چئويريلميش نغمه كيمي تام لطافت له ترنوم ائدير. باهار كيمي گولور ، چيراغ كيمي يانير. بير عؤمرو سئوينج‌لي، كدرلي ، دردلي ، نغمه‌لي، پاييزلي . قيشلي باشا وورور. آما يالقيز يوخ ، بير قايغي‌كش اينسانلا برابر . آرتيق سئوگيني هر بير شئي د‌ن يوكسك سانان ، اونوهاوا كيمي ، سو كيمي اينسانا گره‌ك‌لي بيلن ، حيات يولداشيني بير آذربايجان قاديني كيمي گووه‌ندير‌ن «عؤمور يول‌لاريندا پاييز يئل‌لريني» حيس ائد‌ن زاماندا دا اؤز يولداشي ايله بير بيره بسله‌ديك‌لري سئوگيني باهار كيمي ، باهارين تر چيچگي كيمي تزه ساخلاماغا چاليشير. شام كيمي سؤنن زامان موقدس سئوگيني ، سئوگيلي سينه تاپشيرير. نه‌ده‌نين هامي سئو‌ن‌لر بيلير: سئوگي موقدس دير. سئوگي تميزدير. سئوگي بير عولوي دونيادير. اونا گؤره‌ده بو سئوگي قالمالي‌دير. او حياتي‌نين سون ايل‌لرينده اؤز سئوگيلي سينه دؤنه دؤنه تاپشيريركي :

«ايسم پونهان اولسون قالسين سئوگي ميز» اينديسه عؤمرونون و ويصال دم‌لريني شيرين جان كيمي غنيمت بيلن مدينه خانيم، داها يوخدور.

13 ايل دير كي بالاش كيمي نهنگ شاعير، يورولماز موباريز اينسانين اوره‌يي هله ده بو آيريليقدان گؤينه‌يير. بير قيسا گؤروشده‌كي اولو شاعيريميزين ائوينده كئچدي ، مدينه‌نين آدين گتيرجك ، اونون گؤزلري ياشاردي ، سونرا مدينه‌نين « من بو عؤمرو ياشاديم» كيتابيني واراقلايان حالدا باشيني ، معنالي بير دوروم‌لا اونون دووارا آسيلميش شكيلينه ساري چئويريب اهمال جا منه دئدي : «… مدينه منيم يول يولداشيم اولماقدان دا ايره‌لي، بيلمه‌مه مرام سيرداشي ايدي» بونو دئييب مدينه‌نين حاققيندا سؤيله‌ديي بو شعري ايله گؤروشوموزه سون قويدو :

عزيزيم مئهربانيم ، سورما مند‌ن بيرده كيم گئتدي

اوجا تاختيم ، شيرين باختيم ، تانينميش سروريم گئتدي

موقدس معبديم ، مكه‌م ، مدينه‌م ، مئحرابيم كعبه‌م

جلاليم ، دؤولتيم واريم، ايشيقلي گؤوهريم گئتدي

حياتيم وارليغيم ، جانيم ، شرفلي شانلي سولطانيم

مني تك قويدو دونياده ، حقيقي رهبريم گئتدي

او گئتدي يئر اوزو اونسوز منيم چون ظولمته دؤندو

گونوم گئتدي آييم گئتدي، او پارلاق اولكريم گئتدي

چيراق سؤندو اوجاق سؤندو، اوتاق‌لار اولدو بوزخانه

رفيقيم همدميم روحوم وفالي همسريم گئتدي

سئوينجيم شادليقيم عئيشيم ، جلاليم ، قيمتيم قدريم

آي اوزلو گون جامال‌ليم خوش ليسانلي ديلبريم گئتدي

وفالي ، قايغي‌ليم ، آرخام ، منه جاندان يانان ياريم

منيم هم مسلكيم سؤز صرافيم ، ديل ازبريم گئتدي

صنت تاجيم ، شعير عاجيم ، حقيقي وصله مؤحتاجيم

سؤزو آتش ، اؤزو آتش، كول اولدو آذريم گئتدي

تله‌سدي مند‌ن آيريلدي بو درده دؤزمه‌ييم موشكول

اوتاغيمدا يانان شاميم ، سماده اختريم گئتدي
عزيزيم مئهربانيم! سورما مند‌ن بيرده كيم گئتدي
« اونون آردينجا اوز توتدو فرحلي گونلريم گئتدي…

مدینه گولگون 1992-جی ایلده فوریه نین 17-ده باکی شهرینده وفات ائتمیش و فخری خیابانیندا دفن ائدیلمیش دیر

مدنيه خانيمين روحو شاد اولسون.

مدينه گولگون ، آذربايجانين ميلي حركاتي‌نين دؤورونده ، اؤز‌ل‌ليك‌له ميلي حؤكومت زامانيندا گونئي آذربايجانين گؤركملي موباريز و مدني قادين‌لاريندان اولموشدور. او خوصوصي ايله « آذربايجان» قازئتي‌نين موخبيري اولان زامان دورلو خيدمت‌لر گؤسترميشدي. مدينه خانيم هله قادين‌لار كولوبونون رهبرلريند‌ن سايا گليردي.ائله بو زامان‌لاردا ايدي كي ميلي مجليسده، او مجليسين وكيلي ، اولو شاعير و چاليشقان آذربايجان اوغلو « بالاش آذراوغلو» ايله ياخيندان تانيشليق‌ تاپيب ، سونرالار باكي‌يا موهاجيرت ائد‌ركن 1950 ـ جي ايلده بير توكنمز سئوگي حيسي ايله ، بيرده موشترك علاقه‌لر اساسيندا اونونلا ائولنميشدير. 

شاعيره خانيم مدينه گولگونون ادبي كولتورل و سياسي حياتيني آچيقلاماق بير باشقا فورصتي طلب ائدير. آمما بو آرادا بالاش‌لا مدينه‌نين اورتاق حياتلاريندا اولان اينجه‌ليك‌لره بير اؤتري نظر سالماق بيزي ايكي بؤيوك اينسانين ديلك‌لري ، بير بيره تام حؤرمت‌لي باخيش‌لاري ، ائله‌جه ده 41 ايل بير گه آرزو يول‌لاري‌نين اِنيش ـ يوخوشلاريني ال ـ اله ، چيگين‌ چيگينه ايره‌لي يورومك لري ايله تانيش ائدير و ماراق دوغورور:

.. .. آي مني هامي‌دان چوخ ايسته‌يه‌نيم

سويوق نظرلري گل اريده‌ك بيز
سن ده شفق دون گِئي من ده گئيينيم

آرزو يول لاريني قوشا گئده‌ك بيز

مدينه خانيم ائلينه بير همدم ، سيرداش و آرخاداش اولدوغو حالدا ، اوغلانلارينا مئهريبان آنا ، ارينه ده اؤزو دئميشكن «قادين دئييل بير قارداش» ايدي :

قريب‌له‌شن گونلرينه يولداشام

كؤنلونده كي نيسگيل‌لره سيرداشام

قادين دئييل ، من سنين چين قارداشام
بو يول‌لاردا سينا مني ، سينا سن.

دوغوردان بير اينسان اوچون سعادت نه دير ؟ائلينه قايغي بسله‌مك ، توپراغي‌نين يوردونون طالعي ايله ياشاماق ، گونشه‌ساري آچيلان اوره‌ك پنجره‌سيند‌ن عاييله‌سينه سئوگي پايلاماق‌دان دا يوكسك بير سعادت وارمي ؟ مدينه خانيم بئله بير اينسان دير. سينه‌سي آتش‌لي شاعيره‌ميز ، بالاش‌لا اورتاق حياتيندا اونون عشقينه باغلي اوره‌كله قادين ليق آرزولاريني دفعه‌لرله حياتا كئچيرميشدي:

عونواني ميز دا بير آديميزدا بير

اوجاغيميزدا بير كؤزوموزده بير

پاييزيميزدا بير، يازيميزدا بير

سؤيله بو سعادت دئييل مي‌ گولوم؟
***

كؤنلوم داريخاندا چاتيرسان دادا

آز قالير اؤزونو آتيرسان اودا

قويمورسان غرق اؤلوم فيرتينالاردا

سؤيله بو سعادت دئييل مي ‌گولوم؟

بالاش آذر اوغلو ايله ايلقارلاشان ائله‌جه‌ده ايلقاري باشا آپاران مدينه گولگون خانيم بالاشي بير نورمال سئوگي ايله يوخ ، بلكه بير حرارتلي عشق آتشي ايله سئوير. اونون توكنمز سئوداسي بالاشين اوغروندا بوتون موباريز قادين‌لاريميزي ، اونلارين تميز عشق‌لرين ، اوستو آچيق سئودالي كؤنول‌لرين ، وفالارين گؤزوموزون اؤنونده دوغرولدور. او حتي يولداش سيز حياتي خياليندان دان كئچيره‌بيلمه‌يير. يقين ائدير كي ماهني‌لي ، سؤزلو شيرين ديلي يولداش سيز قالارسا لال اولاجاق . گول‌لره نه جاواب وئره‌جك؟

سن‌سيز باغلاردان كئچسه‌م

گو‌ل‌لره نه دئيه‌ره‌م؟
عؤمره راحات‌ليق سئچسه‌م

يول‌لارا نه دئيه‌ره‌م؟

***

بيز نه كسك نه داشيق
يانماغا يارانميشيق

ائو ائو وئرمه‌سك ايشيق

ال‌لره نه دئيه‌ره‌م؟

مدينه گولگون خانيمين روح باخيميندا ، اينسانين حيات يولداشي اونون ائليند‌ن آيري دئييل . معناسيز دير اگر بير مودروك اينسان يولداشيني سئودييي كيمي ائلينه ، ميلتي‌نه سئوگي بسله‌ميه . خالقين هوسكار صنعت‌چي‌سي ، مودروك شاعيري‌نين سوسيال ـ مدني باخيميندا آيريليق ، قوربت ، اورتاق ياشاييشدان بير يولداشين كؤچمه‌سي طبيعت قانونلاري‌نين پوزولماسي ساياق قلمه آلينير. ائله سئوگي ده ، هامان دونيا دئمك دير. قادينين اره، ارين ده قادينا اولان احتياحي ، بلكه‌ده احتياج يوخ ، تكميل ائديجي و معنا بخش ائديجي بير عاميل دير. و بو اؤزو «واري»
« يوخا» قاپانديران ، « يوخو»دا وار عالمينه گتير‌ن بير ايلاهي سئوگي ، هله ايلاهي فلسفه‌دير.

او بيلير كي اينسان ائليند‌ن آيري ، ذره عومان دان آيري دؤزه بيلمز. اونا گؤره‌ده اؤز توكنمز عشقيني بو فلسفي سؤزلرله ياناشي تمثيل ائدير :

…. ذره عوماندان آيري

تئل‌لر كاماندان آيري

باغلار باغبان دان آيري

دؤزسه دؤزه‌ره‌م سنسيز

يولچو يولوندان آيري

قوشلار تئليند‌ن آيري

اينسان ائليند‌ن آيري

دؤزسه‌دؤزه‌ره‌م سنسيز

آري چيچك د‌ن آيري

كؤرپه بلك د‌ن آيري

آغاجلار كؤكد‌ن آيري

دؤزسه دؤزه‌ره‌م سنسيز

سئوگي اولمه يه جكدير

سئوگي دونيا دئمكدير

سن بو دونيادان آيري

دؤزسن دؤزه‌ره‌م سنسيز

بو آيريليغا احتيمال گؤستر‌ن ، ائليند‌ن آيري دؤزه بيلمه‌ين ، حيات يولداشيني اؤز دؤيونن اوره‌يي سانان شاعيره‌ميز ، «نه ياخشي كي سن وار ايدين» شعرينده اوره‌يي‌نين اوستون آچير. اوره‌ك سؤزونو ، بير ايشيق طالع كيمي ، اوغرونا چيخان خوشبخت ياشاييش كيمي شعره جالير:

نه ياخشي كي سن وار ايدين يئر اوزونده

نه ياخشي كي اولدوزوموز قوشا ياندي

معناسي وار گئجه‌نين ده گوندوزون ده

بيز يانديقجا يول لاريميز ايشيق لاندي

***

نه ياخشي كي اوره‌يي ميز بيرگه ووردو
نه ياخشي كي ائل درديني قوشا چكديك

نه ياخشي كي يئر اوزونده سئوگي واردي

بو سئوگي سيز بيز خيالا دؤنه‌جك ديك

بو شعرده مدينه خانيم قادين‌لا اري‌نين يول‌لاري قوشا گئتمك لريني ، ايزلري‌نين ، اثرلري‌نين قوشا قالماقيني ، ائله‌جه‌ده ائل قايغي‌سيني قوشا چكمه‌ييني چاغداش ميليون‌لار قادين كيمي برابرسيزليكد‌ن خشمه يوغرولموش باغيرتي ايله ديله‌مير. بلكه بو آرزولاري اؤز ياشاييشين دا بير حقيقته چئويريلميش نغمه كيمي تام لطافت له ترنوم ائدير. باهار كيمي گولور ، چيراغ كيمي يانير. بير عؤمرو سئوينج‌لي، كدرلي ، دردلي ، نغمه‌لي، پاييزلي . قيشلي باشا وورور. آما يالقيز يوخ ، بير قايغي‌كش اينسانلا برابر . آرتيق سئوگيني هر بير شئي د‌ن يوكسك سانان ، اونوهاوا كيمي ، سو كيمي اينسانا گره‌ك‌لي بيلن ، حيات يولداشيني بير آذربايجان قاديني كيمي گووه‌ندير‌ن «عؤمور يول‌لاريندا پاييز يئل‌لريني» حيس ائد‌ن زاماندا دا اؤز يولداشي ايله بير بيره بسله‌ديك‌لري سئوگيني باهار كيمي ، باهارين تر چيچگي كيمي تزه ساخلاماغا چاليشير. شام كيمي سؤنن زامان موقدس سئوگيني ، سئوگيلي سينه تاپشيرير. نه‌ده‌نين هامي سئو‌ن‌لر بيلير: سئوگي موقدس دير. سئوگي تميزدير. سئوگي بير عولوي دونيادير. اونا گؤره‌ده بو سئوگي قالمالي‌دير. او حياتي‌نين سون ايل‌لرينده اؤز سئوگيلي سينه دؤنه دؤنه تاپشيريركي :

«ايسم پونهان اولسون قالسين سئوگي ميز» اينديسه عؤمرونون و ويصال دم‌لريني شيرين جان كيمي غنيمت بيلن مدينه خانيم، داها يوخدور.

13 ايل دير كي بالاش كيمي نهنگ شاعير، يورولماز موباريز اينسانين اوره‌يي هله ده بو آيريليقدان گؤينه‌يير. بير قيسا گؤروشده‌كي اولو شاعيريميزين ائوينده كئچدي ، مدينه‌نين آدين گتيرجك ، اونون گؤزلري ياشاردي ، سونرا مدينه‌نين « من بو عؤمرو ياشاديم» كيتابيني واراقلايان حالدا باشيني ، معنالي بير دوروم‌لا اونون دووارا آسيلميش شكيلينه ساري چئويريب اهمال جا منه دئدي : «… مدينه منيم يول يولداشيم اولماقدان دا ايره‌لي، بيلمه‌مه مرام سيرداشي ايدي» بونو دئييب مدينه‌نين حاققيندا سؤيله‌ديي بو شعري ايله گؤروشوموزه سون قويدو :

عزيزيم مئهربانيم ، سورما مند‌ن بيرده كيم گئتدي

اوجا تاختيم ، شيرين باختيم ، تانينميش سروريم گئتدي

موقدس معبديم ، مكه‌م ، مدينه‌م ، مئحرابيم كعبه‌م

جلاليم ، دؤولتيم واريم، ايشيقلي گؤوهريم گئتدي

حياتيم وارليغيم ، جانيم ، شرفلي شانلي سولطانيم

مني تك قويدو دونياده ، حقيقي رهبريم گئتدي

او گئتدي يئر اوزو اونسوز منيم چون ظولمته دؤندو

گونوم گئتدي آييم گئتدي، او پارلاق اولكريم گئتدي

چيراق سؤندو اوجاق سؤندو، اوتاق‌لار اولدو بوزخانه

رفيقيم همدميم روحوم وفالي همسريم گئتدي

سئوينجيم شادليقيم عئيشيم ، جلاليم ، قيمتيم قدريم

آي اوزلو گون جامال‌ليم خوش ليسانلي ديلبريم گئتدي

وفالي ، قايغي‌ليم ، آرخام ، منه جاندان يانان ياريم

منيم هم مسلكيم سؤز صرافيم ، ديل ازبريم گئتدي

صنت تاجيم ، شعير عاجيم ، حقيقي وصله مؤحتاجيم

سؤزو آتش ، اؤزو آتش، كول اولدو آذريم گئتدي

تله‌سدي مند‌ن آيريلدي بو درده دؤزمه‌ييم موشكول

اوتاغيمدا يانان شاميم ، سماده اختريم گئتدي
عزيزيم مئهربانيم! سورما مند‌ن بيرده كيم گئتدي
« اونون آردينجا اوز توتدو فرحلي گونلريم گئتدي…
هله‌ليك بو قدر ، آذربايجانين گؤركملي قادين و شاعيري‌نين ار وفاسيندان، ائل قايغي‌سي و آنا محبتيند‌ن سؤيله‌مك كيفايت ائتمه‌سه ده، عولوي معنالاري يئتيرمه‌ين قيسراق زمانه‌ميزه يئتر. اينشاءاله ساغليق اولارسا باشقا فورصت‌لرده ائله بو معنالاري شاعيره‌لريميز و قادينلاريميزين حياتيندا سئير ائده‌جه‌ييك.

مدنيه خانيمين روحو شاد اولسون.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: