بیر باخیش بوشلوسان بیر گولوش منه + تورکجه شعر


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

بیر باخیش بوشلوسان بیر گولوش منه 

یوخ پاخیل دونیادان آیری ایسته ییم

بیر گؤزوم اینتیظار بیر گؤزوم اومود

قورخورام حسرته منده بئل اییم

چوخ سویوقلوق گؤروب دونیادان گؤزوم

بوزلار اوستونده بیتمیش غریب گولم

حسرتم بولبوله گوللو بیر یازا

قورخورام یازدادا اولمایا گولم

من سنه وورغونام سن منه قاچقین

من گونه باخان؛ سن گونسن گون آی قیز

من سنین آردیجان هر آن دیلکلی

سن منیم گؤزومدن اوزاق ایشیقسیز

سن گؤیون اوزونده سانلی آلیملی

من یئرین اوزونده یئرسیز اوغورسوز

سن ایشیق , سن ایستی,سن اود,سن آلوو

من سنین یانیندا بیر اریمیش بوز

من سنی سئومیشم گؤزلریم کیمی

سن تیکان اولموسان کؤنلومده بیتمیش

سن منیم ایچیمده, سوزموش دیلیمده

من سنین آیاقین آلتیندا ایتمیش

سن منی اوتوزدون پیس بیر قوماردا

من سنی اوتوزدوم آمما اویونسوز

من سنین سئوگینه قالدیم اؤلونجه

سن منیم سئوگیمه اولدون بویونسوز

قوی گئدیم بیر داها چیخما قارشیما

کؤچگونم ,قاچقینام,ائوسیز,وطنسیز

قوی گئدیم بیرداها بلکه آختاریم

ایتدیگی اؤزلوگو,منلیگی,سنسیز

کریمی

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: