مین ایللر اوزاقلیق آییرماز بیزی + کریمی


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

تبریزیم   آغلاییر،  جان  وئریر  باکیم

یوخ الیندن توتان گؤز یاشین سیله ن

قاتلانیب گنجه نین اورمونون  بئلی

یوخ سؤزون دینله ین آغریسین بیله ن

قان ایچیر نخجوان، گون-گون اوره کدن

جولفانین دیزله رین دردی قاتلاییب

اوردوباد گؤز دیکیب قان قارا چایا

شککینین، گرگرین باغری پاتلاییب

آه چکیر فضولی، زنجان   اوخشاییر

نفتچی نین حسر تین اردبیل چکیر

آغدامین قوشلارین گؤیده گؤره نده

موغانین اوولاری «آنام وای» دئییر

قوی دئییم سنینله، قارا باغ کیمی

اوره کدن  یارالی   ایگید  اوبادان

سسله ییر یاردیما، توتقون سس ایله

قاراداغ قارداشین، «بابک » یارادان!

بیر بدن مین یارا هانسی وطندیر

ایگیدلر   یوردودور    آذربایجانیم

مین ایللر اوزاقلیق  آییرماز  بیزی

اونونلا اکیلمیش دوغولموش جانیم

ایسته میردیک بیزی آیری سالیبلار

یاد ائللر یوردومون جان دوشمن لری

آلیبلار  بیرلیگی   اللریمیزدن

آلت- اوستون قیریلمیش آجیق اللری

نئیله سین بابکین،  ستتارین  ائلی

بیر  چایا  بئل ایمیش   یادلار الینده

هم اوتای هم بوتای تورک ائلیمیزدیر

تورک ایگید هئچ زامان دؤنمز ائلیندن !

کریمی

Advertisements

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: