تاریخده ایلکلر و انلر + اولینهای تاریخ تورک


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

 

«تاریخده ایلک­لر و اَن­لر»

Tarixdə ilklər və ənlər

·       دونیادا گؤرولن ایلک دوزنلی (منظم) مدنیّت مئسوپوتامیا (بین­النهرین) مدنیّتی­دیر.

·       تاریخده ایلک یازینی (میخی یازی) سومئرلر ایجاد ائتمیشلر.

·       دونیادا ایلک حقوق دولتی سومئرلردیر.

·       شهر دولتی اولاراق یاشایان ایلک مدنیّت سومئرلردیر.

·       دونیانین ایلک کتابخاناسی نینووادا آشورلار طرفیندن قورولموشدور.

·       ایلک رسیم یازیسينی (تصویری خط) مصر مدنیّتی ایجاد ائتمیشدیر.

·       ایلک میدان ساواشی و ایلک آندلاشما (عهدنامه) مصرلی­لر و هیتیت­لر آراسیندا

اولموشدور.

·       گونش تقویمی­نی تاریخده ایلک دفعه اولاراق مصرلی­لر ایجاد ائتمیشلر.

·       آنادولودا قورولان ایلک دولت هیتیت­لر طرفیندن اولموشدور.

·       ایلک مجلس هیتیت­لرده و پانکوس آدیندا قورولموشدور.

·       ایلک تاریخ یازیچیلیغی هیتیت­لردن باشلانمیشدیر.

·       تاریخده ایلک دفعه پول­دان استفاده ائدن خالق، لیدیالیلار اولموشلار.

·       خیریستيانلیغی (مسیحیّتی) ایلک دفعه رسمی دین اولاراق قبول ائدن و اونو

یایماغا  چالیشان دولت، روم دولتی اولموشدور.

·       دنیزچیلیگی، دنیز تجارتینی ایلک دفعه اولاراق فینیقی­لر ایجاد ائتمیشلر.

·       تاریخده ایلک دفعه تک تانری­لی دین عبرانی­لرده گؤرونموشدور.

·       کاغیز، کومپاس (قطب گؤسترن)، باروت، چاپ کیمی مهم اختراعلار ایلک دفعه اولاراق

چین­ده اولموشدور.

·       بیلینن ایلک تورک قادین حکمدار «تومروس»دور.

·       تاریخده بیلینن ایلک آتلی کؤچری جمعیت اسکیت­لردیر.

·       تاریخده بیلینن ایلک تورک دولتی هونلار طرفیندن قورولموشدور.

·       تورک­لر ایلک دفعه مئته خاقان دؤرونده بیر بایراق آلتیندا توپلاشمیشلار.

·       ایلک تورک دولتی و ایلک نظاملی قوشون تشکیلاتی مئته خاقان دؤرونده یارانمیشدیر.

·       آوروپادا قورولان ایلک تورک دولتی (باتی) هون دولتی­دیر.

·       تورک آدی ایلک دفعه دولت آدی اولاراق گؤی تورک­لر طرفیندن استفاده ائدیلمیشدیر.

·       ایلک تورک الیفباسی گؤی تورک­لر طرفیندن ایجاد ائدیلمیشدیر و همن آدلا مشهوردور.

·       تورک دیلی و ادبیاتی­نین ایلک دَیرلی و مهم یازیلی متن­لری اورخون عابیده­لری­دیر.

·       دین دَییشدیرن ایلک تورک خالقی اویغورلاردیر.

·       اَن اوزون تورک داستانی «ماناس»دیر.

·       اسلامیّتی قبول ائدن ایلک تورک خالقی «قارلیق»لاردیر.

·       تاریخده بیلینن بؤیوک تورک دولتلری اوغوزلار طرفیندن قورولموشدور.

·       تورکلردن ایلک یئرلشیک (اوتوراق) حیاتا کئچن خالق، اویغورلاردیر.

·       مصرده قورولان ایلک تورک دولتی تولون اوغوللاری­دیر.

·       اورتا آسیادا اسلام دینی­نی رسماً قبول ائدن ایلک تورک اسلام دولتی قاراخانلی­لاردیر.

·       تاریخده مهم تأثیر بوراخان ایلک تورک­لر، اسکیت­لردیر.

·       افغانستاندا قورولان ایلک تورک دولتی غزنوی­لردیر.

·       تورک تاریخینده «سلطان» عنوانی ایلک دفعه اولاراق غزنوی­لر طرفیندن ایشله

دیلمیشدیر.

·      ایراندا، ایلک کاغیز پول تورکلر طرفیندن «چاو» آدی آلتیندا و تبریز شهرینده

بوراخیلمیشدیر.

·       دونیادا بیلینن ایلک تجاري سيغورتا (بیمه) آنادولو سلجوقلو دولتینده اولموشدور.

·       تورک­لر ایلک دفعه توپ سیلاحیندان کوزووا ساواشیندا استفاده ائتمیشلر.

حاضیرلایان:

رضا عبدالهی جهانی – تبریز

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: