بختیار وهاب زاده و خلیل رضا اولو تورک دن بیر نئچه تورکجه شعر آذربایجان حاقدا


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

بختیار وهاب زاده و خلیل رضا اولو تورک دن بیر نئچه تورکجه شعر آذربایجان حاقدا

*مکتبلی قیزیم

آی قیزیم،گؤیچک قیزیم!

ساچلاری ایپک قیزیم!

قوی کؤنلونو بزه سین

ان گؤز ل ایستک، قیزیم!

بیل کی،اینسان زینتی

بزک ـ دوزک دئییلدیر.

گؤز ل لیگین نیشانی

قوماش، ایپک دئییلدیر.

هر  اوزده ن خوش گؤرونن

هله گؤیچک دئییلدیر.

آی قیزیم،گولرقیزیم!

منیم مکتبلی قیزیم!

عاغیل،زحمت،بیلیک دیر.

ان بؤیوک هنر قیزیم.

سن گؤزل بیر اؤلکه نین.

خوشبخت وطنداشی سان.

میلیونلارین سئویملی

باجیسی،یولداشی سان.

بوآزاد اؤلکه میزین

سعادت بایراغینی،

عؤمرون بویو شرفله،

محبتله داشی سن!

آی قیزیم، عزیزقیزیم!

دفتری تمیزقیزیم!

سنی خوشبخت یاشادیر

آزاد اؤلکه میز،قیزیم.

*خالقیمین سسی

آزادلیغی ایسته میر م ذره ـ ذره،

گرام ـ گرام

قولومداکی زنجیرلری قیرام گرک

قیرام ! قیرام !

آزادلیغی ایسته میرم بیر «حب» کیمی،

درمان کیمی،

ایسته ییرم سماکیمی!

گونش کیمی!

جهان کیمی!

چکیل!

چکیل،ائی غصبکار!

من بوعصرین گور سسی یم!

گرک دئییل سیسقا بولاق.

من عمانلار تشنه سی یم!

*معلم

نئچه معلم دن درس آلمیشام من.

سونرااونوتموشام… آنجاق هئچ زامان

آدیمی یازماغی منه اؤیر دن

او ایلک معلمیم چیخمیریادیمدان.

اوهم قاراقاباق، هم مهرباندی.

زهمی اودسالاردی اوره ییمیزه.

آتادان،آنادان دوغروسوبعضاً

او، دوغما، او، عزیزگلردی بیزه.

*یوردوم،صاباحین خئییر!

داغلارآرخاسیندان بویلاندی گونش،

آی ائللر،اوبالار،صاباحین خئییر!

گونش اؤولادی ییق،اویاندی گونش،

بوچؤللر،بودوزلربیزی گؤزلرییر،

آی ائللر،اوبالار،صاباحین خئییر!

سحراویانیبدیر،یوخودان اویان،

یوردوما هره نیزبیر دان اولدوزو.

سلام،آداغلاری داغ اوسته قویان.

یوردومون قهرمان اوغولو،قیزی!

بولوددان سییریلان قایلان قایالارکیمی.

قولونوزدا قوت گؤزونوزده نور.

سیزین نفسی نیز آناتورپاغی

یاشادیر،بئجریر،سئویر،قورویور.

سیزین گؤزونوزون ایشیقلاریندان

وطنیم هرسحرالوان بویانیر.

الین ایستی سینده ن تورپاق دیریلیر،

آیاق سسلرینده ن یوللاراویانیر،

*آذربایجان

آذربایجان قبیله گاهیم!

ایلک اومیدیم، سون پناهیم!

سند ن آیری حیاتمی وار؟!

قوللاریمدا قاندال اولسا،

آیاغیمدا بوخوو اولسا،

یئنه دیزین ـ دیزین

سورونره م قوجاغینا ! ! !

گؤزلریمه پرده ائنسه،

ایشیق گلر، سورتسم سنین

پاک،مقدس تورپاغینا ! ! !

هر وجوددا ایکی گؤزوار،

ایکی آیاق،ایکی ال وار،ایکی قولاق،

فقط،فقط اوره ک بیردیر!

دیل ده بیردیر!

دئمک،اوندا دیلک بیردیر!

نئجه بؤلسن؟

هراعضایا، یوزآدوئرسن،

نهایتده بدن بیردیر!

گون دوغاندان گون باتانا،

گونئییندن قوزئیینه،

دؤرد اقلیمده، دؤردجهتده،

وطن بیردیر! ..

*مکتب یوللاری

آ مکتب یوللاری، مکتب یوللاری،

سیزده قاردا گؤردوم، دوماندا، چنده.

کؤنلوم یارپاق کیمی تیتره ییب اسیر،

یئنه بو یوللاردان اؤتوب کئچه نده.

هرگون ایکی دفعه کئچردیم سیزدن ،

هرگون بیریوکسه لیش،هرگون بیرسیناق.

گئدیشیم یونگولدو،گلیشیمده من

هردفعه بیر پیلله آرتیردیم آنجاق.

آ منیم اوشاقلیق،گنجلیک همدمیم،

سن بیلسن نه قدرمنه عزیزسن.

هرکیچیک داشی نین اوستوندن آزی.

آدلاییب کئچمیشم مین بیردفعه من.

من یاریب کئچمیشم سنین اوستونو

بوروین دومانی،بوروین سیسی.

سن سن عؤمروم بویو،حیاتیم بویو،

گئتدییم یوللارین ان شرفلی سی!

آ مکتب یوللاری،سیزسینیز یالنیز،

یارادان ایشیقلی استقباللاری.

منی خوشبخت لییه سیزآپاردینیز،

آ مکتب یوللاری، مکتب یوللاری.

*ائی قهرمان آذربایجان!

گؤزآچدیغیم قدیم تورپاق،

دایاغیمسان سن دونیادا.

دوغماآنام،ائی مهرمان،

ائی قهرمان آذربایجان!

یادائللی لر داملا ـ داملا

آل قانینی سوردو سنین،

کیملرسنین، گؤزتیکمه دی

تورپاغینا،آذربایجان!

بایراغینی ائندیردیلر،

آنجاق اؤزون اییلمه دین،

آلقیش بوگون او اوجالان

بایراغینا آذربایجان!

سحرکیمی جاوان سن سن،

تاریخ کیمی قوجا سن سن.

فاتحلری دیز چؤکدور ن،

ووقاریمسان،آذربایجان!

اؤز مقدس داغلاریندان.

گونش کیمی اوجاسن سن،

یئر اوزونده منیم اودلار.

دیاریمسان،آذربایجان!

سحرلرین قوی آچیلسین،

تزه نورلو باهار ایله،

گله جه یه مردآددیملا،

اوغورلا گئت،آذربایجان!

شهیدلرین آل قاننیدان،

لاله آچمیش یوللارایله،

استقلالین صاباحینا،

غرورلاگئت،آذربایجان!

*بایراق

تورپاغیم اوستونه کؤلگه لر سالان

منیم وارلیغیمین جلاسی ـ بایراق.

ظفردن دوغولموش گؤی تورکدن قالان

قوردباشلی بایراغین بالاسی بایراق.

اوچ رنگلی بایراغین کؤلگه سینده من

قاراجا تورپاغی وطن گؤرموشم.

ظفرگوللرینی دؤوری ـ قدیمدن.

بایراق ایشیغیندا بیتن گؤرموشم.

بایراق منلییم دیر، بایراق کیملییم،

بایراق اؤز یوردوما  اؤزحاکم لییم.

هاردا اجدادیمین آیاق ایزی وار،

بو ظفر بایراغیم اوردا دیکه لسین.

کئچه ییی یئرلرده داغلار ـ یاماجلار،

اونون حضورونا سلاما گلسین.

تاریخدن قدیمدیر، زاماندان قوجا،

منیم بایراغیماسانجیلان هیلال.

عالمه نورساچدی تاریخ بویونجا،

معبدلر باشینا تاج اولان هیلال.

دایم اوجالاسان ! ساواش گونونده،

عسگرسیلاحی له سنی تن گؤروم..

یالنیزظفرچالمیش شهید اؤنونده

سنی آلقیش اوچون اییلن گؤروم.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: