شهریارین شعریده قاینار گلیر + شهریار


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

اوستاد شهریار

ائوده بیر ایل آه چکیرم خبر یوخ

ائودن چیخام من او یانا یار گلیر

تای توشلاریم چوله چیخا گون چیخار

من چیخاندا یاغیش گئدن قار گلیر

یازیق گؤزوم آجلیغا دوز داریخما

بوگون سحر باهار گلیر بار گلیر

بیزه گله گلمیه بیر کال ایده

قونشوموزا هیوا گلیر نار گلیر

خان ائوینه شیر گلیر قویروق بیلار

بیزم ائوه کور ایت گلیر هار گلیر

خلقه قوناق گلیر گؤزو سورمه لی

بیزیم ائودن کور گیتمه میش کار گلیر

بختیمه آرواد نه چیخا بیلمیرم

بللیدیر کی ساغ ساغا سوسار گلیر

بیر اوج اتک اندازادی اگنیمه

سالیس بوری گن گلمه سه  دار گلیر

دولتیه یاس دا گله اوینایار

بیز کاسیبا توی گله آخسار گلیر

غم یوکوندن کدخدانین هیس سسی

خردل اولور بیزیم کی خالوار گلیر

کدده بیزی دویسه لر بیر هاوار یوخ

بیز بیر کلمه حق دانیشاق جار گلیر

دارقا شایید لار بیزه سرکار چیخار

دار دیبیندن قورتولا سردار گلیر

بوندان بئله اؤزگه گؤرم اؤزکه دن

میننت چکیر غیرتیمه عار گلیر

ایشجی تویوق کسنده من باخاممام

بیلمم نئجه اؤرگیندن وار گلیر

غم دن منیم بیر عینک وار گؤزومده

ایشیق آیدین گون گؤزومه تار گلیر

عشقیم دوشوب یادیما گوزلر داشیر

باهاردا سئل آدلانا چایلار گلیر

چوخ شاعیرین طبعی دونار بوز کیمی

شهریارین شعریده قاینار گلیر

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: