دده کاتیب دن بیر نئچه گوزل تورکی شعر


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

آغلادی 

قادر آللاه بو محنتدن بو غمدن

یاندیم جسم ایچینده جانیم آغلادی

پروانه تک آلیشمیشام آتشه

قایناییب جسدده قانیم آغلادی

سگگیز سجده گاهیم بیر یانا دؤندو

بئش جسمیم اعضادا دیوانه دؤندو

قلبیم قانا گؤزوم عماا دؤندو

ایکی عینیم بیر زبانیم آغلادی

اود آلیب آلیشدیم اوره کده ناریم

گئجه گوندوز بیر آللاهه بالواریم

بوتون اوچ یوز آلتمیش داماریم

دؤرد یوز قیرخ دؤرد استخوانیم آغلادی

کاتب بیر آللاهه واردی پناهیم

بایقو تک ویراندا کیم بیلیر آهیم

دنیزلر جمع اولسا چوخدو گوناهیم

یاد ائدینجه روح روانیم آغلادی

******************

دونیا 

اعتیبارسیز چرخ دوران

کیمسه بیلمز ایشین دونیا

نئچه ارلری یوروبسان

چوخدو سنین یاشین دونیا

نه سولطانه نه خانه سن

قالمادین سلیمانه سن

یوردلار قویدون ویرانه سن

پوزالایدی داشین دونیا

اون ایکی آی ایلین واردی

بیر آلدادان دیلین واردی

نئچه فندی فعلین واردی

فن اولوبدی ایشین دونیا

دده کاتیب بودور بحثیم

یورقونام یوخدو هوسیم

قوش اوچار قالار قفسیم

چوخ آجیدی آشین دونیا

**************** 

اویناسین

قادر آللاه گئتسین قیشین دومانی

یئنی باهار گلسین گوللر اویناسین

چیچک لنسین یوردوموزون هر یانی

یاغمور یاغسین جوشقون سئل لر اویناسین

گوللر بیزیم اولسون قازلار بیزیمکی

سؤزلر بیزیم اولسون سازلار بیزیمکی

ماراللار بیزیمکی نازلار بیزیمکی

یایلا یاشیللانسین ائل لر اویناسین

قدرت لنسین اییت لرین قوللاری

گوجلنک قپسایاق ساغی سوللاری

ووراق پوزاق آچاق باغلی یوللاری

جاده لر شن اولسون یوللاراویناسین

بیر-بیره دایانسین گوجلو چیگین لر

قاراباغ دان چیخسین قودوز خائن لر

باکیدا اوخوسون آشیق قادینلر

بارماق مضراب چالسین تئل لر اویناسین

دده کاتب قیساتمارام دیلیمی

حقه دوغرو باغلامیشام بئلیمی

چوخ سئورم آذربایجان ائلینی

آذربایجان تورکی دیل لر اویناسین

******************* 

نه عادت دیر؟

قادر آللاه نه عادت دیر زاماندا؟

یوخسو لون دوز سؤزون هئچ کس حاقلامیر

نه قوهوم نه قارداش نه ده قونشولار

ایل لر دؤنور بیر-بیرینی یوخلامیر

مؤمن قارداش هردن تویا گلنده

مین لیک سپیر تویچولاری گؤرنده

اون بئش تومن مستحققه وئرنده

سانجی توتور صبحه کیمی یوخلامیر

علم مجلسیندن دولانیر اوزاق

معنالی سؤزلرده اولوبدور قاچاق

معناسیز سؤزلره قوچ اوغلو قوچاق

انگی برکدی ها دانیشیر لاخلامیر

دده کاتب اگری یولدان قئییدر

فلک دییرماندی خاقی اویودر

بیر آتا بیر سورو اولاد بؤیودر

سگگیز اوغول بیر آتانی ساخلامیر

Bir Cavab

  1. قادر الله بد زمانه گ

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: