اوروجلوق شعری – معجز شبستری دن


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

اوروجلوق

چيخدي تخته، قويدو باشا تاج اوروجلوق خان گئنه،

ماه  روزه يازدي خلقين قتلينه فرمان گئنه.

توت قولاغين، اي مقدس  ! پنبه ي معهود  ايله

تنگه دوشدو حوصله م، چون سؤيلوره م هذيان گئنه.

غلغله سالدي جهانا  باز  بانگ  اوها اوه،

سينه لرده بحر بلغم  ائيله دير طغيان گئنه.

خلط سينه دفع ائدير هر ساعت پيرانيميز

ايرگنير صحن عبادتخانه دن انسان گئنه.

پشته  لر ترتيب ائديب بلغم، عجب هنگامه دير،

آوچه و بازاري دولدورموش اونا فرماان گئنه.

قوي گؤره ك واعظ نه سؤيلور، ساآت اول اي بي حيا،

اي ملك باجي! گؤروم گلسين يئره آرخان گئنه.

گئنه آيمدن انتقام آلماق خيالي وار بونون،

بير يئمك قرآن آپارير مسجده جان جان آئنه.

ارآگه مين حوري  احسان ائيله يير فردوسدا

عورته بير دانه ارآك واعظ نادان گئنه.

چوخ بؤيوك بدبختليكدير فرقه ي نسوان  اوچون،

گر بهشته هكذا  حكم ائيله يه يزدان گئنه.

معجز مسكين آيمي  اولدو سماورباز لال،

سؤيله مز، دينمز، دانيشماز خلقيله، غليان گئنه.

گر بقول واعظان  خنثي  اولا غلمانيان،

قورخورام ارآكلري پورتست  ائده نسوان گئنه.

بوالبشربوغدا يئدي، چيخدي بهشتِ عدن دن

ميل ائده ر اولادي دا هر دم چيخار اوردان گئنه.

١٣٠٥ شمسي – ١٣٤٦ قمري/ ٦

معجز شبستری

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: