تفسیر و ترجمه سوره حمد به ترکی


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

حمد سوُره سينين چئويرمه سي ايله آچيقلاماسي


1) كؤمك ليك  ايسته ییرم « جميع ايشلريمده آللاهين آديله كي مئهريباندير»، جميع مخلوقاته دوٍنياده روزي، وجميع خلقه لازيم اولان نعمتلري وئرمك سببي ايله. « رحم ائدَندير » بعضي مخلوقاته، اونلاري بئهيشته داخيل ائتمك ايله. ‘بيسم الله ده’ ايختيلاف واردير كي سوره نين جوٍزووٍدور يا نه : ايمام حنيفه و ايمام ماليك قاييلدير كي جوٍزووٍ سوره دَگيلدير، آمما قوُرآندا يازيلماق، محض سوُره لرين بير بيريسيندن فاسيله لي اولماق ايچوٍندور، ايمام شافعي و ايمام حنبل و ايمامييه بوُنا قاييلديرلر كي، بيسم الله هر سوُره نين جوٍزووٍدور، مگر برائت سوُره سينده.
2) هر نوع شوٍكر و ثنا « جميع ظاهيري و باطيني نعمتلر موُقابيلينده كي، جميع حمد و شوٍكر ائدَنلردن عمله گليب، و بوُندان سوْنرا عمله گله جك، هاميسي « آلله ايچوٍندور كي جميع مخلوُقاته تربييَت وئره ندير »، اوّل يوْخدان خلق ائديب، سوْنرا بسله ييب، دوٍنيادا روُزي وئريب، و هر حالدا، ايشلرينه ايصلاح وئرمكله.
3) مئهريباندير، و آخيرت ده، بئهيشت وئرمك ايله « رحم ائده ندير »
4) « قييامت گوٍنونون پاديشاهيدير ».
5) پرورديگارا ! « آنجاق سنه عيبادت ائديريك و آنجاق سندن كؤمك ايستَيوٍروك » سنه عيبادت ائتمگه و هاكَذا دوٍشمنلرين شرريني دفع ائتمگه
6) « بيزي هيدايَت ائت دوٍز يوْلا »، اوْ يوْلو بيزه گؤستر كي، اوْنيله گئديب سنين طرفينه، و راضيليغينا يئتيشك
7) « اوْ كسلرين يوْلونا كي اوْنلارا نعمت وئريبسَن » اوْنلاردان راضي اوْلماق، وبئهيشتده، يئر وئرمك ايله، « نه اينكي اوْ يوْلا كي اوْنيله گئدنلره قَضَب اوْلوب ( آجيْقلانيبسان ) و نه اينكي حق يوْلدان چيْخميشلارين يوْلونا ».
بوُ سوره يه “سبع مثاني” دئيه رلر. سبع، اوْ جهته كي يئددي آيه دير، مثاني، اوْ جهته كي، ايكي دفعه نازيل اوْلوبدور، يا اينكي هر نامازدا ايكي دفعه اوْخونور، خواه سوٍنننتي نامازدا و خواه واجيبي نامازدا. يا اينكي ايكي حيصه يه قيسمت اوْلوب، بيريسي بنده لرين حمد و ثناسي دير آللاها، و بير حيصه سي آللاهين مرحمتي دير بنده لرينه. بوُ سوره نين فضلينده كيفايت ائدر اوْ حديث كي، پئيغمبر(ع) بوُيوردولار، بوُ سوره جميع دردلره درماندير، مگر اؤلومه، كي اوْنا چاره يوْخدور.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: