آغ بولاق – استاد هوشنگ جعفری


آغ بولاق

آغ بولاق ، اغلا بولاق

قوی سویون آخسین گؤله ساری

کؤچ ائدیب گئتدی جاوانلار

سوواران یوخ مومالاری

چکیله قددی یوخاری

قالانین یوخدو چیخاری

قوجالیبلار گیجالیبلار

اودو دای کتده قالیبلار

آغ بولاق آغلا بولاق

بلکه آغاجلار جانا گلسین

قارا چککیرته نی دیندیر ، سازی چالسین —- > چککیرته = ملخ

سویون اوستونده

زؤلوک اویناغا گلسین —- > زؤلوک = سو اوزونده گزن بیر بؤجوک

گؤزللر قایناغا گلسین

بلکه قان یانقاغا گلسین

قارا چککیرته ده مدت دی کی دای غم تاری چالمیر

اودا دای حال خبر آلمیر

آغ بولاق آغلا بولاق

سوتلوگنلرده بیزیم تک سوته حسرت قالاجاقدیر

—– > سوتلوگن = سوتلو بیر اوت

آغ یئل اسدیکجه

آغاجلار سارالیب – گادمالارین

—- > گادما = گوللو و آجی تؤزلو بیر اوت ، گادما یاخچی بیر اودون اولا بیلر

دای قورویوب یارپاقیلان تار چالاجاقدیر

اوندا دای کیم قالاجاقدیر ؟

کیم آغیزلیق آچاجاقدیر

باغا کیم سو سالاجاقدیر

گؤرورم یونجالار اطرافی بوتون

مور و ملخدی

آغ بولاق قایناماغین وختی نه وخدی ؟

آغ بولاق آغلا بولاق

باغچادا گوللر سارالیبدیر

باغبان بسکی سو فیکرینده قالیبدیر

قوجالیبدیر

خزل اطرافی آلیبدیر

بیزی پیس درده سالیبدیر

شیشه ی عومروموزی داشه چالیبدیر

اودو دای عمر آزالیبدیر

گؤرورم یونجالاری لی لک اولاغ لار اوتاریب دیر

یونجادان گول قوتاریبدیر

آغ بولاق آغلا بولاق

قوی خشه لر باشین اوجالتسین

هرزه اوتلار یئره باتسین

ممل ایستیر آتی ساتسین — > ممل = محمد

یئرینه بیر اولاغ آلسین

آخی بوردا نییه قالسین ؟

نه اومیدیله دایانسین

اؤزونو کول – کوسا سالسین

نه ممریله دولانسین ؟

نییه قالسین ؟

کدخدانی گؤروسن کتده اؤزون باغلادی گئتدی

کندلی نین وار – یوخون آلدی سیبیلین یاغلادی گئتدی

آغ بولاق ، آغلا بولاق

غم یئنه اوضانی قاتیب دیر

مشه سولطان دا بیزیم باغچایا بیر جمدک آتیب دیر

گوشه ده آج قالان ایت لر بوتون اطراف دا یاتیب دیر

دیشلری قانه باتیب دیر

اله فرصت دی چاتیب دیر

هله قوردلار دا ایین دن بیله جکدیر — > ایی = اینسی ، قوخو

قانین اونلار تؤکه جک دیر

آغ بولاق آغلا بولاق

سن اگر قاینایاسان بیزده سازاللیق

ییغیشیب یکسره اطرافینی آللیق

قورویان دشته سو ساللیق

سن اگر قایناماسان

بیزده سوزاللیق

بیزده دای اوندا گیجاللیق

سو خیالیله قوجاللیق

آغ بولاق بس بو نه حالتدی قالیب سان ؟

آغ بولاق بس بو نه وحشتدی سالیب سان ؟

آغ بولاق ، آغلا بولاق

سنده گؤزل خاطیره لر وار

سنده بیر خان بالاسیندان سوراغیم وار

سنده بیر غصه لی غملی قوناغیم وار

سنده بیر چال پاپاغیم وار

سنده سینماز دایاغیم وار

سنده بیر « جعفری » تک شعریده شاعیر سایاغیم وار

اونا حرمت ائدنین گؤگلو شاد اولسون

اودا غربت ده دی اوندان دا یاد اولسون

آغ بولاق ، آغلا بولاق

شاعیر : اوستاد هوشنگ جعفری

2 Cavab

  1. چوخ گوزل بير شعري دي
    چوخ ساغولون

  2. […] آغ بولاق – استاد هوشنگ جعفری […]

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: