حلوای حریت – علی اکبر صابیر


نولور شيرين مذاق ائتسه مني حلواي حريت

يئسه م بير لقمه اوندان، سويله سم اوخقاي حريت!

دئه، خئير اولسون، يوخو گوردوم كي بير دريا كناريندا

توكوبلر يان با يان، قات- قات، بوتون پاي- پاي حريت!

ييغيب دا دولدورورلار كيسه- كيسه باغلانيب محكم

اوروللر تلله، داغدان دا آشيب بالاي- حريت!

زبس چوخدان بري شوقوندا ايديم من بو حلوانين

دئديم، ياران، نولور وئرمز منه بير پاي حريت!

سوزوم خوش گلمه ييب تحويلداره، سويله دي: “گم شو!”

” بدست كوته از نخل مجو خرماي حريت! ”

” همي داني كه اين دلبر بو گون مخصوص ايران است ”

” تو خود نامحرمي بر شاهد زيباي حريت! ”

كمال ياس ايله محروم اولوب بير ياندا اگلشديم

آليب بير كشتيه دولدوردولار تاي- تاي حريت!

سويستك قيشقيريب، كشتي روان اولدو، باخيرديم من

هله گئتمك ده ايدي زورق درياي حريت!

كي ناگه بير قارا بايراق آچيلدي در آغاجيندا

يازيلميش اوندا بير خط مصيبت زاي حريت!

اوخوركن خطي معلوم اولدو كشتي بان غرق اولموش

قاليب درياده حئيران كشتي دعواي حريت!

خروشان موجلر هر سمتدن يكسر هجوم آور

گوروب امواجي كشتيبان اوجالدي: واي، حريت!

بو سسدن سكسنيب دوردوم، گوتوردوم ساعته باخديم

هله گوردوم كي شب دير، سويله ديم: لاي- لاي حريت!

یازان:  ميرزا علي اكبر صابير

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: