Advertisements

صمد کؤنلومده دیر


صمد کونلومده دیر

اوخودو قارانقوش آيريليق سوزون

مروت اهلينين گوزو يولدا كن

جومدو طوفانلارا اونوتدو اوزون

اولدوزا نه جواب وئره جگم من

قيشدا  قارلي داغلار سوراغلاشسالار

تبريزين گول اوغلون مهربان اوغلون

بير هاراي چكه رم اي اوجا داغلار

آختارين آرازين چنلي بئليندن

دشمن طعنه ويرسا صمد هاردادير

اليمي سينه مه چاليب دئيه رم

صمد كونلومده دير، اوره گيمده دير

دوگوشور، اؤلسه دؤنمز ائليندن

اونون صداقتي جان وئرر بيزه

آلولي عشقيندن الهام آليريق

هر دقيقه باش چكير اوره گيميزه

مغاياتليق ائدير اؤز اكديگيندن

سؤيله ين گئده جك، سؤزو قالاجاق

عدالت ناغيلين ائل دوغرولداجاق

ظلم ائوي عدليلن برباد اولاجاق

صمدي قارشيدا گوره جك دوشمن

بو بير ناغيلديركي ائللر سؤيله ير

بيري سسدن دوشسه، اوبيرسي دييه ر

ناغيلچي دايانار، سوز دوام ائدر

ائل ايچون ياشايار بوردا بسله نن

نيگران قالماسين اولدوزا دئيين

كؤنلومه آلميشام صمدين عشقين

صمد كؤنلومده دير، اوره گيمده دير

((وورغونون)) آداشي جگريمده دير

انتقام آلاجاق ائل دشمنيندن

یازان:  عليرضا ناب دل ( اوختاي )

Advertisements

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış /  Dəyişdir )

Google+ foto

Google+ hesabınızdan istifadə edərək şərh edirsinz. Çıxış /  Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış /  Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış /  Dəyişdir )

w

%s qoşulma

%d bloqqer bunu bəyənir: