دور آیاغا قوجا تبریز


دور آياغا قوجا تبريز، يئنه داردا قالان وار

دوشوبن قاردا قالان وار

قوي دئييم هاردا قالان وار

دور شالي باغلا بئله، گئي گئيي مين، قوي پاپاغين

قئييم ائت ال- آياغين

ايزله قارداش سوراغين

مين آتين سور چاپاري، دورما- دايانما

قارداشيم هئچ ده اوسانما

دايانيب يولدا يوبانما

يولون اوستونده گوتور سفره چوركلي”صوفياني”

بيرده”سئيوان” ايله”يامي”

ائللره وئر بو پيامي

سويله كي ايندي عمل وقتي دي قارداش، نه دئمه ك

نه يئمه ك وقتي دي، دور ائيله كومك

آج قالانلارا يئته بلكه يئمه ك

دورما گلديم دييه رك جان باسين اوردان دا”اووند”ه

باش ويرون بيرده”سرند”ه

“زنوز”ا هم ده”مرند”ه

سورعتيله سووشون اوردان آماندير

دايانين آز”دره ديز”ده

اوخويون فاتحه، سيزده

ياد ائدين اورداكي قوربانلاري، حق اوسته ياتيبلار

ووروشوب دوشمن ايله، اوردا قيزيل قانه باتيبلار

دوغروسو حقه چاتيبلار

دونياني گوزدن أتيبلار

ياد ائدندن سورا اوردان سووشون سرعت ايله

ائلليگين، همتيلن

آذري صولتيلن

كيشيليك، غيرتيلن

گوتورون يولدا قوچاق”گرگر”- “علمدار”ي مددچي

يوللارا آشنا بلدچي

اوزوزو تئز يئتيرين “جلفا”يا ساري

سيزي تاري ‍

آرازي باش يوخاري، آت سوره سيز گون باتانا

چاتماميش سيز اذانا

چاتاسيز”ناخچيوان”ا

باخمايين يئلدي، طوفاندير، قار- كولك، شاختا- بوراندير

هاوا چيسگين دي، دوماندير

غصه لي، غملي زماندير

سيزه قوربان كي آماندير

قارداشيز داردا قاليبدير، گوزي يوللاردا قاليبدير

اوزو گول تك ساراليبدير

آختارين اوردا قاليبدير

قارداشيز داردا قاليبدير

یازان:  يالقيز

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: