Subscribe to Duzlu oğlan دوزلو اوغلان by Emailبو وطن یئنه دوراجاق
يورد يئري، هله قارادير
اوزوم يانيندا- يانيندا
بوينو بوکوک بنووشه دير
سوزوم يانيندا- يانيندا
نه دن بيزي درده چکه ر
غم يئديده ر، يا درد اکه ر
وئرديغيني آلار- توکه ر
زامان سونوندا- سونوندا
اي يارييان، غم ساريدان
هر شئي باشلار آيريليقدان
قيلينج قورشان، درديني دان
دوشمن اونونده- اونونده
آيريليق گتيرن اولومون
کيم چکه ر غمين، ظولومون؟
زامان سوووران کولومون
گوز وار جانيندا- جانيندا
باخما آيريليق سوزونه
قان ياش دولماسين گوزونه
هر شئي قاييدار اوزونه
دونه ر سونوندا- سونوندا
بيز اولمزيک، تانري باخير
اوغوللار وار، دورار آخير
کور کوکره يه ر، آراز آخير
هله قانيندا- قانيندا
هر شئي سونوندا واراجاق
يورد وار- تک آدي قالاجاق
بو وطن بيرده دوراجاق
کوهنه دونوندا- دونوندا
یازان: روستم بهبودي
Advertisements
Filed under: باشقا شاعیرلر,تورکی شعرلر Türkcə şeirlər | Tagged: وطن,آذربایجان شعرلری,تورکی شعر,تورکجه شعرلر |
Bir cavab yazın