Subscribe to Duzlu oğlan دوزلو اوغلان by Emailاولا
ایسته رم من او گولی ، اؤز گولی خندانیم اولا
اودا اؤز کونلونو وئرسین منه جانانیم اولا
تکی جانانیله بیر یئرده گونوم خوش گئچسین
آرزو ائیله ییرم باغ و گولیستانیم اولا
قییمایان جانینه عاشیق دگیل اؤز یاری اوچون
من فدا ائیله یه رم یاریمه مین جانیم اولا
گونده یوز یول ائده رم جانیمی قوربان او گوله
او دا بیر یول دولانیب باشیمه قوربانیم اولا
بو پری چهره لرین بیرجه گوزللیک لری وار
سئومه رم هئچ بیرین الده اگر ایمکانیم اولا
نیله ییم کونلومه بیر قویمادی آسوده اولام
گؤروم ای کاش کی ویران ، دل سوزانیم اولا
واحید هر شوخه ایناندیمسا وفاسیز چیخدی
بو گؤزللرله منیم حشرده دیوانیم اولا
علی آقا واحید
Advertisements
Filed under: تورکی شعرلر Türkcə şeirlər,علی آقا واحد | Tagged: واحیدین شعرلری,تورکی شعرلر,تورکی شعری,تورکجه شعرلر,علی آقا واحد,علی آقا واحدین شعرلری |
Bir cavab yazın