آذربایجان قیزی

Posted on 2010/02/14 by vəhid şükürzadə وحید شکرزاده

منه وطن دن آیری گز                  غربته چیخ گد ددیلر

بورا سنین یرین دییل                  وطن دن آیریل ددیلر

آنا دیلیوی دان ددیلر                   تبریزدن آیریل ددیلر

سنین دیلین فارس اولاجاخ         تورک دیلی اونوت ددیلر

تورک دیلینی انوددوروب             پارس دیلینی اویردیلر

منیم دیلیمی داناراخ                 چورکی نان اویردیلر

من اونا هی سو دییردیم            آما اولار آب ددیلر

آتامین آدین سوردولار                 من اونلارا <<بابک>> ددیم

آنامین آدین سوردولار                 بویوک آنام<<هجر>>ددیم

قاچاغ نبی دن قالمیشام            بویوک ددم قورقوت ددیم

توپراغیما جانیم قوربان                منیم نه نم <<تومروس>> ددیم

جانیمی آلسانیزدا من وطن دن آیریلامارام

کل دونیانی ورسلر اوز دیلیمی آتامارام

آنا دیلیوی دان ددیلر              اوز دیلیمی دانامارام

تبریزدن آیریل ددیلر                وطن دن آیریلامارام

سون سوزوم اولسون سیزلره

آنادیلیمی دانامادیم                وطن دن آیریلامادیم

آذربایجان قیزی

Filed under: باشقا شاعیرلر,تورکی شعرلر Türkcə şeirlər | Tagged: ,,,,,,, | 1 Comment »