اشعار ترکی روی سنگ قبر – مزار داشی اوچون تورکی شعرلر


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

دوزلو اوغلان یاهو گروپ

دوزلو اوغلان وبلاگینین یاهو گروهوندا عضو اولون تا یئنی خبرلر ، گوزل مطالیب ، آذربایجانی و تورکیه موزیک لر ، تورکجه اس ام اس لر و تایسیز شکیل لر سیزین ایمیلیزه گلسین بونا گؤره آشاغی شکلین اوستونده کلیک ائدین و امنیتی کد کلمه لرینی یازین و سونرا جوین کلمه سینه تیکله یین تا عضو اولاسیز

join

Click to join DUZLU_OGHLAN

Click to join DUZLU_OGHLAN

دوزلو اوغلان وبلاگینین خبرنامه سی
اگر دوزلو اوغلان وبلاگیندا یازیلان یئنی مطالیبی اوخوماق ایسته ییرسیز اوندا آشاغی لینک اوستونده کلیک ائدین و ایمیلیزی و امنیتی کد کلمه لرینی یازین و ثبتی وورون سونرا سیزه بیر ایمیل گله جک اوردا لینکی کلیک ائدین تا ثبت نام تکمیل اولسون تا یئنی مطالیب سیزین ایمیلیزه اوتوماتیک یوللانسین

Subscribe to Duzlu oğlan دوزلو اوغلان by Email

تورکی شعرلر مزار داشی اوستونه

اشعار ترکی برای سنگ قبر

اشعار ترکی پدر و مادر بر روی سنگ قبر + شعرهای ترکی سنگ قبر فرزند و جوان ناکام

سیز عزیز وطن داشیما عزیزلریزین بیریسینین ماتمی اوچون باش ساغلیغی دئییرم آللاه رحمت ائله سین

بو شعرلر چوخالاجاقلار اگر سیزده بو شعرلردن بیلیرسیز حتما کامنت قویون و منه یازین تا بوردا یازیم و هاممی فایدالانسین بیرده بو شعرلر آنا و آتا اوچون عوض اولا بیلر و آتا شعرلرینی آنا اوچون ده یازماق اولار و برعکس

حتمن اوز شهریزین قبریستانلیقیندا اولان تورکی شعرلردن منه گؤندرین تا بوردا قویوم

——————————
آی آنا جان سنین تایین تاپیلماز
یاخجیلیغین سؤزه گلیب یازیلماز
دونیانیدا اللریمه قویسالار
سنسیز آنا بیر شاهیدا ساییلماز
——————————
آتا جان آلدی الیمدن سنی ظالیم بو فلک
گؤز یاشیم سئل تک آخیر دوزمورو هیجرانه اورک
بیلمه دیم قدرینی من دونیادا اولدوقجا سنین
ایندی حسرتله دوزم آیریلیقا منده گرک
——————————–
گئتمیسن سن قالمیشیق غمده آتا
قویموسان بیزلری ماتمده آتا
نه قدر یاخجیلیغیندان دئسم آزدی
یوخ سنه تای بوتون عالمده آتا
———————————-
آتا عالمده عجب بیر باهالی نعمتیمیش
سایه سی سایه دئیل میش برکت رحمتیمیش
حیف اولا گئتدی الیمدن بو ایشیقلی چیراغیم
هر نفس چکماغی واللاه واریمیش دولتیمیش
—————————————–

گؤرموشم کی آنا لای لای دئیر اؤز میوه سینه

گاه باسار باغرینا گاه سینه سینه

ایندی برعکس اولوب من سنه لای لای دئییرم

باسیرام  توپراغی بو سینه مه وای وای دئییرم

————————————————

قوجاغینا کوچدی آنام ، توپراق آنام امانتین
بیر مرحم قوی یاراسینا  ، توپراق آنام امانتین
قلبینده مین آرزی قالدی ، هله نئچه یازی قالدی
قیزی قالدی اوغلو قالدی ، توپراق آنام امانتین
—————————————–
آنانین تکجه آدی کل بو دونیایه دیر
آنانین بیر باخیشی ملک سولیمانه دیر
آنا بیر گولدی گولوستاندا اونا تای اولماز
آنانین عطری بوتون باغ و گولوستانه دیر
————————————
نه قدر یول گئدیرم دیلده آتا صحبتی وار
هامیدان چوخ آتامین بو دهرده حرمتی وار
نه بیلیدیخ آتامین آیریلیقا نیتی وار
کیم دؤزر دؤزدوغوموز بیر بئله هیجرانه آتا
————————————
آی آنا جان سنه نغمه لر یازاجاغام
شیرین ماهنی لار قوشاجاغام
آی آنا جان آنا
قلم بویله یازیر آنالارین آدین
دونیادان دویسا آنا اولاددان دویماز آنا
————————————
ای اورگی لاله کیمین قان آنا
قان ائیله دی قلبیمی هیجران آنا
————————————
چوخ تئزدی آنا توپراقلا هم آغوش اولاسان
ارییب شمع کیمین دهرده خاموش اولاسان
آغلارام تا نفسیم واردی جوان اولماغینا
بو یانان قلبیده هاشا کی فراموش اولاسان
————————————
هیجرینین من بالا مجنون کیمی دیوانه سیم
یارالی پیکرینین گؤر نئجه پروانه سیم
سینه نین گوللرینین بولبول مستانه سیم
بولبول آغلار گولونه فصل خزاندا گوزلیم
————————————–
حیات دان گئتسمده خاطرات دایام
آرزوما همیشه چاتاچات دایام
اوستومه نه قدر توپراق آتیلسا
ایشیغام یئنه ده من اوست قات دایام
———————————–
قدمین قویسا گؤز اوسته دییرم جان آناما
چیخاری یوخدو گؤزومون تا اولا قوربان آناما
ائدیب آسایشی بیزلره خاطیر او حرام
نئجه من آغلامایام حال پریشان آناما
———————————–
نئجه راحت یاتیسان هر گئجه بیزسیز آنا جان
قوروماز گؤز یاشیمیز بیر گئجه سن سیز آنا جان
بیز سنه بولبولویدخ سنده بیزه باغ و چمن
نئجه بولبول یاشاسین باغ و چمن سیز آنا جان
————————————

گول سولسا باغین بولبولی افغان ائدر آغلار

یئل وورسا اگر سونبولی هر دانه سی آغلار

توی گؤرمه ییب اؤلسه بیرینین تازه جوانی

ائل طایفه سی سهل دیر بیگانه لر آغلار

—————————————–

گوزل آتا هیجران داغی ساغ اولماز

آیریلیقین داغی کیمین داغ اولماز

سنسیز منیم خسته کونلوم ساغ اولماز

سن سیز قارا گونلریمیز آغ اولماز

—————————————-

سئودیگیم آنامی گؤره بیلمه دیم

قولومو بوینونا سالا بیلمه دیم

الیمی الینه وئره بیلمه دیم

غوربتده جان وئردی گؤره بیلمه دیم

——————————————-

توپراق ايچينده بير دوردانا ياتيبدير
توپراق ايچينده بير خوش سونا ياتيبدير
سٶزون دوزو، ملك اينسان جيلدينده
بوردا بير مئهريبان آنا ياتيبدير
—————————
ائي دده گره ك آغلاييم
سن اوچون ااوره ك داغلاييم
بو فلك بيزي آييردي
اونا بير ده بئل باغلاييم؟
——————————
ياشاديم دونيادا من ده بير موددت
ائتديم باجارديقجا نئچه نصيحت
مقصديم وئرمك ايدي دوز يولو نيشان
آللاها تاپشيريب گٶچدوم دونيادان
—————————————-
سني فرزانه لر آتدي
قاپيپ ديوانه لر توتدو
كيمي آلدي، كيمي ساتدي
يالان دونيا، يالان دونيا
—————————-
آغلا آنام آغلا
قوي گٶز ياشينلا مزاريم اوستونده گوللر سولانسين
ائله بير نعره چك تيتره سين يئر گٶي
غفلت يوخوسوندان خالقيم اويانسين
داغلارين قوينوندا آچان گول ايديم
سورمايين آی دوستلار، واختسيز سولموشام
آزاد ائتمك اوچون آزربايجان´ي
من وطن يولوندا شهيد اولموشام
—————————-
سوس يوخلايير!
—————————-
زييارتدن موراد دوعادير
بوگون منه، يارين سنه دير
—————————-
بير چيچك ايديم دونيادا
آچانمادان قيريلديم
—————————-
آغلارسا آنان آغلار
اٶزگه سي يالان آغلار
—————————-
جاهاندا كيمسه قالماز، جومله فاني
قالير ايتامينا آه-و فغاني
—————————-
عاقيبت سن ده گليرسه ن بو صيراطين باشينا
حضرت-ي آدم كيمي گيرسه ن هزاران ياشينا
كيمسه يه باقي دئييلدير بو جاهان ظيلل-ي خيال
غفلت ايله آلدانيب مئيل ائتمه قلب نققاشينا
عاقيبت اولسان گره كدير سن ده مٶحتاج-ي دوعا
اوخو بير قاچ فاتيحه، بخش ائيله دين قارداشينا
ائي برادر باخ منه، يئتمه ز مي هئچ عيبرت سنه؟
شمع-ي ناميم بير نيشان اولدو مزاريم داشينا
—————————-
بير گول-ي دونيا ايديم اصلينده من
ايشته قوندوم خاك-ي قبره من ده تن
بير وفاسيز، اصلي يوخ دونيا ايميش
ائيله ديم كام آلمادان ترك-ي وطن
هاردا قالدي بونجا آلاييشلاريم
اون سكيز ياشيندا گييديكده كفن
من غريبه م، گلديم ائي ربب-ي غفور
مغفيرت قيل مني، لوطف ائيله سن
—————————-
بو مزارلار درس-ي عيبرت يئرلري
غفلتي آت، گٶر اٶلومو، اٶلومو
گٶر نيشانسيز ياتان سولطان ارلري
قولاغين آچ، دوي اٶلومو، اٶلومو
جان ملكه يي تسليم آلميش جانلاري
معمور ايكن ويران اولموش خانلاري
هم چوروموش تورپاق اولموش تنلري
سٶيله شيرلر، بيل اٶلومو اٶلومو
—————————-
يا رب بو نه اٶلوم، بو ناصيل ظولوم
آه ديييب ده آغير باشلار آغلايير
چيچه يي بورنوندا، سولان بو گولوم
تورپاغا قاريشان ساچلار آغلايير
جان دايانير مي بئله بير زارا
قالدي قييامته منده كي يارا
دور مزارچي، قازما وورما مزارا
سن گٶرمه زسين داشلار آغلايير
اٶتمه بولبول اٶتمه باغلار ياسليدير
بوگون آردانوشدا چايلار ياشليدير
قالان بير كرمدير، گئده ن آسليدير
اووالار، يايلالار، كٶشكلر آغلايير
افكاري سن غمسيز قالمازسين بير گون
اورتادا بير تابوت، بو ناصيل دويون
هر كيمين اوزونه باخدييسام بو گون
چكيلير اوره كلر، ايچلر آغلايير
(افكاري)
—————————-
بيز دونيادان گئده ر اولدوق
قالانلارا سلام اولسون
بيزيم اوچون خئيير دوعا
قيلانلارا سلام اولسون
اجل بوكه بئليميزي
سٶيله تمه يه ديليميزي
خسته ايكن حاليميزي
سورانلارا سلام اولسون
تنيم اورتايا آچيلا
ياخاسيز گٶمله ك بيچيله
بيزي بير آسان وجهيله
يويانلارا سلام اولسون
صيلا وئريله قصديميزه
گئده ر اولدوق دوستوموزا
ناماز اوچون اوستوموزه
دورانلارا سلام اولسون
آشيق يونوس سٶيله ر سٶزون
ياش دولدورور ايكي گٶزون
بيلمه يه نلر نه يي بيلميش
بيله نلره سلام اولسون
—————————-
گلدي گئچدي عٶمروم منيم
شول يئل اسيب گئچميش كيمي
هله منه شٶيله گلدي
گٶزوم يوموب آچميش كيمي
ايشته بو سٶز حاق تانيقدير
بو جان گٶوده يه قونوقدور
بير گون اولا چيخا گئده
قفسدن قوش اوچموش كيمي
بير خسته يه واردين ايسه
بير ايچيم سو وئردين ايسه
يارين آندا قارشي گله
حاق شارابين ايچميش كيمي
يونوس ائمره بو دونيادا
ايكي كيشي قالير دئرلر
مگر خيضير ايلياس اولا
آب-ي حيات ايچميش كيمي
—————————-
بير چيچك ايديم دونيادا
آچامادان قيريلديم
—————————-
سن ده ايسته ردين ايشيقلانديراسان ائل يولونو
اولان اينسان ييخيلاندا توتاسان ساغ سولونو
الده ميفتاح-ي فضيلت چاليشيردين بلكه
آچاسان درده گيريفتار اولانين ال قولونو
اوستومه اسدي يامان يئل، نئجه كسدي خولومو
قيشا دٶنده ردي يازيم، قازدي قوپارتدي كولومو
ائل اوبا چوخ دا گليب آغلاييب اسكيلتدي غميم
ولي من چوخ سئويره م سنسيز اولاندا اٶلومو
————————————
سن گئده رسه ن آدين قالار
دوستلار سني خاطيرلايار
دويون اولار، بايرام اولار
دوستلار سني خاطيرلايار
——————————
گليملي گئديملي دونيا،
سون اوجو اٶلوملو دونيا
—————————-
ان سونوندا اٶلومدور سئوگيليم
ايسته ر
ييرتيجي اللرده اولسون
ايسته ر
گٶزلرينين ايسلاق ياتاغيندا
ان سونوندا اٶلومدور سئوگيليم

Advertisements

Bir Cavab

  1. سلام دوست عزیز
    وب خوبی دارین
    اگه با تبادل لینک موافقین
    من با نام فروشگاه فیلم سریال موزیک لینک کنید
    بعد یه سری به ما بزنید تا اطلاعات لینکتونو بدین
    موفق باشین
    albata ardabil oshagiyam,ozga doram dadash

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: