آیریلیق هاواسی – گوزل تورکی شعر


آیریلیق هواسی

بو نی چالان بو گئجه آیریلیق هواسی چالیر

نئیین یانیقلی سسی اود سالیر اورک چابالیر

سن ایسته ییرسن گئده سن گئت گوزوم دالینجا قالیر

اورکده غم قوشو سن گئتسن آشیانه سالیر

منه اولوم بو گئجه آیرلیقدان آساندی

آماندی گئتمه دایان گئتمه قال اورک یاندی

پولاددان اولسا اورک, آیریلیق اودی اریدیر

بو اود داشی اریدیر یئل کولون هوایه سپیر

او گئدیب جان بدنیمدن چیخیب دالیجا گئدیر

بو غربت اولکه ده کیم من غریبی دفن ائله ییر

الهی آیریلیق اوز سئوگیلیندن آیریلسین

زمانه دفتر عمرین همیشه لیک جیرسین

منیم ستاره عمریم همیشه لیک باتدی

بو آیریلیق منی ییخدی مرامینه چاتدی

شراب عشقیمه جان یاندیران زهر قاتدی

سینمده بیر قوجامان داغ کیمین دومان یاتدی

معاف ائدیب بیزی بیگانه لر بلا لردن

بلا چکیر باشیمیز ایندی آشنا لردن

آماندی گئتمه من بینوادن آیریلما

یادین دالیجا گئدیب آشنادن آیریلما

بنفشه غنچه سی باد صبادن آیریلما

خمار باخان گوزووه

حقیقتا کی لطافتده بی نهایت سن

آغلایان گوزوم قوربان

گوزوم سوزوم غزلیم دفتریم اوزوم قوربان

گوزللرین گوزلی شاهکار خلقت سن

قیزیل گولون بوداغی زینت طبیعت سن

نازین سحر چاغی سان بیر پارا لطافت سن

قارانلیق گئجه نین پارلاق اولدوزو گئتمه

وفالی شاعرینی بوندان آرتیق اینجیتمه

سنی قسم وئریرم قهرمانلار ایمانینا

اورکده حسرتی اولموش جوانلارین قانینا

شهید راه حقیقت اولانلارین قانینا

شرفلی خلقلرین ایسدی قانلی میدانینا

بیر از دایان بو گئجه آیریلیق شرابین ایچک

او اکدیگین بو قیزیل گوللرین گولابین ایچک

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: