نوحه تورکی دیلده نه دئمک دیر


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

برای خرید 1 دی وی دی گلچین نوحه ترکی از مداحان معروف آذربایجان بر روی شکل زیر کلیک کنید

همچنین برای خرید فیلم شبیه خوانی ترکی روز عاشورا ( شبه چیخانما مراسیمی ) بر روی عکس زیر کلیک کنید

نوحه تورکی دیلده نه دئمک دیر

نوحه لر – عوموما موحرّملیكده و كربلا فاجیعه سینه عایید اوخونان شعرلردیر . مرثیه ادبیاتی بیزلرده چوخ گوجلودور ، كئچمیش شاعیرلریمیزده فیضولی
دن شهریارا قدر آزاراق شاعیر تاپماق اولار كی كربلا فاجیعه سی حاّقی ندا
نوحه سویله مه میش اولسون .ان مشهور نوحه شاعیرلریمیزدن دربندلی قومرو ، ماراغالی دخیل ، قاراباغلی شاكی و مشهدی عبدل قراباغی ، تبریزلی صراف ، بیكس ، علاقمند ، دلسوز ، خائف ، باجی ،حقیر ، راجی ، ذاكیر ، صافی ، شهاب و صحاف ، اردبیللی مضطر ، منزوی ، بیضا ، گلچین ، زایر ، یحیوی ، دلریش ، منعم ، تائب ، انور ، حیرانی ، سید ، ذهنی ، غمناك ، دلخون ، شاكر، عندلیب ، كاتب ، مبكی ، مخلص ، موذن ، عاصم ، یورتچی … آد آپارماق اولار.

نوحه لر عوموما عروضون یونگول بحرلرینده دئییلمیشدیر بیر پارا دیللره دوشن نوحه لر ده وار كی هیجا وزنینده دیر بونلار عوموما تاسوعا و عاشورا
گونلرینده قارادونلو سینه و زنجیر وورانلارین موشایعتی ایله ایفا اولونار.
بئله كی بیر بندی نوحه چی خوش آواز ایله اوخویار سونرا موعین بیر ترجیع
بند یا دا شاه بئیتی دسته اهلی بیرلیكده اوخویارلار. نوحه خانسیز دسته لر
ده واردیر . بو دسته لر ایكی یه بؤلونر قاباق دسته ده گئدنلر بیر یا میصراعلیق
نوحه یا شوعار اوخویار ، دالداكی دسته ده اونون قالان حیصه سین اوخورلار و
بو ساعاتلارلا داوام ائدر . نوحه لرین موسیقیسی عزا مراسیمینه یاراشان
غملی و آغیر هاوالاردیر ، ابوالفضلین دیلیندن اوخونان رجزلر ایسه عوموما قهرمانلیق روحیله دولغوندور.

اؤرنک

نوحه لرین بیر پاراسی دیللره دوشموش و شیفاهی ادبیات خزینه میزه گئچمیشدیر . او جومله دن آشاغیداكیلاری گؤسترمك اولار :

  • من ابوالفضلم ای قوم كافر،

  • یوخدو باكیم نه قدر اولسا لشگر

  • یوز بوقدر اولسا دریای لشگر

  • ائیلرم جومله خاكیله یكسر

  • سّقا گئدیب فراته

  • بیر مشك سو گتیرسین

  • احساندی یا محمد

  • گل هراییمه عموجان

  • اؤلدورور منی بو لشگر

  • گول اوزون گؤروم وئریم جان

  • اؤلدورور منی بو لشگر

  • گلمیشیك طشت آپاراق

  • سو تؤكوب،احسان ائله یك

  • كربلا تشنه لرین

  • یاد ائدیب، افغان ائله یك

  • ائی كربلا سولطانی ، قارداش وای ، واوئیلا!

  • زینبین شیرین جانی قارداش وای ، واوئیلا!

  • زینبین گؤزو یاشی ، یاندیریر داغی ، داشی

  • ایمام حوسئن قارداشی ، قارداش وای،واوئیلا

  • سن آت اوسته پای پیاده من

  • نه قدر قاچیم، دایانیم بابا.

  • سنی عمّه مین جانی بیر دایان

  • باشیوا گلیم، دولانیم بابا

  • سفره گئدنده شاهلار

  • چوخ اولار جلالی قارداش

  • نه سنین كیمی پوزولموش

  • داغیلان توفاغی قارداش.

  • گولو- گولزاری – رسالت بو گئجه

  • شیمردن ایسته دی مؤهلت بو گئجه

  • یاتماییب آلی-علی صوبحه كیمی

  • شیعه یاتسین نئجه راحت بو گئجه

  • نئجه قان آغلاماسین داش بوگون

  • كسیلیب یئتمیش ایكی باش بوگون.

  • ای شیر یئتیش بو گون هرایه

  • ایمداد ائله آلی موصطفایه

  • هم لعنت بئله قومی بیحیایه

  • كربو-بلا چولونده

  • كربو-بلا چولونده

  • غوغادی یا محمد

  • گوندر كفن حسینه

  • یومی- عاشورادی یا روزی-قیامتدیر بوگون

  • یا قیامت عرص هسیندن بیر علامتدیر بوگون

  • حسینه یئرلر آغلار،گویلر آغلار

  • بتول و مرتضا پیغمبر آغلار

  • سن حسینیم سن اگر پس بو قدر یاره ندیر؟

  • ایستی قوم اوسته دوشن پیكرصد پاره ندیر؟

  • آخدین عالمده ندن كوه و بیابانه فرات؟

  • اولمادین قیسمت حوسئینه، دؤن هسن قانه فرات.

  • بیر بو گئجه اكبردی سنه یار سكینه

  • صاباح اولوسان شیمره گیریفتار سكینه.

  • قان اولاسان ای فرات

  • گلمیشیك ای شیع هلر شام- غریبانه بیز

  • وئرمگه باش ساغلیغی زینب-نالانه بیز

بعضا دسته اهلیندن بیر نفر كئچیجی اولاراق دسته نین ایدار ه سینی الینه
آلار . بو ایش نوحه خانلارین دییشیلمه سی، یادا یئرلرینی مرثیه خانلارا
وئردیكلری زامان اولار :

مثلا تهرانین شهرارا محله سینده دریانلیلاردسته سینده او بیر نفر بئله دئیر:

-آه ای سیبط- رسول- مدنی

سوسوز اؤلدوردو سنی شیمر-دنی

فاطیمه گورسه بو حالیله سنی

نه دئیر؟

دسته اهلی ده جوابیندا دئیرلر:

-دئیر: ایوای حوسئن وای ،حوسئن وای

حوسئن وای ، حوسئن وای حوسئن

سونرا دسته اهلی یئره اوتوروب، مرثی هخانین مرثیه سینه قولاق آسارلار.

باشقا اؤرنكلر:

-مظلوم اؤلن

-آغا وای

-ای بیكفن

-آغا وای

-سوسوز اؤلن

-آغا وای

-غریب اؤلن

-آغا وای

محرم آیی نین بیرینجی گونوندن باشلایاراق ،تاسوعایا قدر چوخ یئرلرده شاخسئی دسته لری یولا دوشر . بو دسته لر ده نوحه خان
اولماز و دسته اهلی ایكی قروپا بؤلونر قاباقداكیلار هم صفین نظمینی
ساخلار، همده شوعارلاری صفین دیبینه یئتیرر و شوعارلارین قاتلاماسینی
دئیرلر آشاغیدا گلن شوعارلاری ع ظفرخواه توپلاییب، یازمیشدیر:

صف:ایمام

قاباقداكیلار:شهید

صف:حوسئین

قاباقداكیلار:حسن

صف:آغام

قاباقداكیلار:علی

صف:حسن ، حوسئن گول دسته،

قاباقداكیلار:یئزید دوشوب اوز اوسته.

صف:هانسی گروهون بئله مولاسی وار؟

قاباقداكیلار:شیعه لرین حضرت عباسی وار.

صف: كربلادا قانلی قیلینج پاس توتوب،

قاباقداكیلار:ملاكه لر حوسئینیمه یاس توتوب.

صف:حسن، حوسئن آغام وای.

قاباقداكیلار:یا ایمام حوسئن، آغام وای.

آشاغیداكی شعرلر ده هیجا وزنینده دیر و حسین محمدخانیگونئیلی اونلاری گونئی ماحالی نین مئشین كندیندن توپلامیش و نشر ائتمیشدیر.

حسن ،حوسئن یا علی

یزیده لعنت گلی

آی ایشیغی سوت كیمی

یزید گلیر ایت كیمی

یزیده باخ ،یزیده

بنزر بیزیم بوز ایته

حسن،حوسئن ایپكدیر

یزید قارا كوپكدیر

قایناق

تورک خلق ادبیاتی- یازان: علیرضا صرّافی

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: