من آتامین قیزی یام – شریفه جعفری – دنیز


من آتامين قیزييام

مني داغلار تانييير.


مني اولكه مده كي باغلار تانييير .


مني احساسلي بوداقلار


مني كوكلر


مني گوللر ،


مني سارا كيمي سئللر تانييير .

درينم.


چاي دئييلم


من دنيزدن يكه يم .


باخما ظاهيرده گؤزوم يومماغیني ،


گئجه لر من آييغام


گئجه درد اهلينه لاي لاي چالارام ،


گورسم اولدوز قاچير ايلهام آلارام.

من آتامين قیزييام


دونيايا طوفان سالارام.

قويمارام اينجي سين احساسی نيگارين.


قويمارام چنلي بئلين رنگي سارالسين ،


اوزگه مينسين قئرآتي باشینا چالسين .


بيلمه سين قيمتيني ،


آتدي دئسين


مينمه گي قانسين ،

من آتامين قیزييام


قويمارام دوشمان اوجالسين.

فايداسي يوخدو اوشاقلار بيله سارا سئله دوشدو،


زورونان خان آپاريردي ،


گئتمه دي سارا


اؤزون كؤرپودن آتدئ .

دييه رم سارا كيميدي ،


چكرم سارا سؤزون گويلره،


گويلر ده سیزيلدار


عاشقي معنا ائليين چوخدو ،


داها سارايا چاتماز .


اؤز شيرين جانيني هر كيم سئله آتماز ،


سارا غيرتلي قیزییدي ،


اوزگه سي سارايا چاتماز .


من كيمم !؟


من اؤزومم .


نه دئييم سؤز منيم اولسون.

باشیمي اويناماقا قاتماقي من پيس بيليرم ،


منيم آرزوم ، ساوالاندي ،


اوجادي ، داغدي ، قالاندي .


سازلي- سوزلو ، كرميم وار.


اصيلم ،


اصلي لريم وار .


سؤز بيلن شهرياريم وار .

قافلانيم ، اعتباريم وار .

من آتامين قیزييام


آتاما افتخاريم وار.

قويمارام من آتامين بختي قارالسين ،


سؤزلري سينه ده قالسين ،

آنامين عففتي بويدا ياشارام من،


اوجا داغلار قده ري غصه م اولا ،


آشارام من،


من عصيرلرده دئييللم


هامئني درك ائله يركن ،


سينه لرده جوشارام من .


ياشارام من ،


ياشارام من ،


آذربايجان نازييام ،


من آتامين قيزييام.

شریفه جعفری (دنیز)

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: